Хүн төрөлхтний олж мэдсэн хамгийн чухал нээлтүүдийн хэдийг нь та мэдэх вэ? Хамтдаа шалгацгаая!
Уран бүтээлч Gayle Hermick 15 тонн бүхий ганг зам мэт дүрсэлж дээр нь соёл иргэншлийн түүх, хувьсал, хөгжлийг илэрхийлэх 400 нээлтийг тамгалжээ. Хэмжишгүй их байгалийн нууцыг танин мэдэх хүний оюуны аяллыг 60-тын тооллоос эхлүүлж, Хигс бозоноор өндөрлүүлэхдээ эдгээр нээлтүүдийн замнал цаашид ч хязгааргүй үргэлжлэх буй заа хэмээн “Wandering the Immeasurable” гэж баримлаа нэрийдсэн болов уу.
Замын нэг талд нээлтийн нэрийг эздийн хамт өөрсдийнх нь хэлээр бичсэн бол нөгөө талд шинжлэх ухааны хэл буюу математик томьёог нь хөөжээ (сийлжээ). Нэгэнт бид нэг физик хуульд захирагдах ертөнцөд оршин буй тул магад өөр нэг соёл иргэншил хөгжлийнхөө үе шатанд үүнтэй мөн л ижил замналыг туулах буюу.
Хэн олж мэдсэн нь ялгаатай байж болох ч хэрхэн томьёолсон нь бараг төстэй байх биз ээ. Хэр хөгжсөн нь өөр байж болох ч хөгжлийн нууцаа томьёолсон хуудасны тодорхой хэсэг нь энэ баримлын дараалалтай таарах байх гэж таана. Та юу гэж бодож байна?
Гэж Юу Вэ-гийн хөтлөгч А.Доржпалам, ШУА-ФТХ-ийн Онол ба Их Энергийн Физикийн лабораторийн эрхлэгч, др. Ц.Энхбаттай “Wandering the Immeasurable” баримлыг тойрсон ярилцлагыг та бүхэнд хүргэж байна.
source