Apple-ийн шинэ Siri-гийн хөгжил саатлаа, шинэ төхөөрөмжүүд хойшилжээ
Apple компани хиймэл оюун ухаанаар (AI) ажиллах шинэ Siri-г хөгжүүлэхэд ихээхэн хөрөнгө оруулалт хийж байгаа ч энэ нь төлөвлөсөн хугацаандаа амжилттай хэрэгжихгүй байгаа бололтой. Үүний улмаас хэд хэдэн шинэ ухаалаг төхөөрөмжүүдийн танилцуулга хойшилжээ.
Өнгөрсөн жил Bloomberg-ийн мэдээлснээр, Apple 2025 онд гаргахаар төлөвлөж байсан гурван шинэ бүтээгдэхүүнийг энэ оны хавар танилцуулахаар төлөвлөж байжээ. Эдгээрийн нэг нь дэлгэцтэй, HomePod mini-тэй төстэй төхөөрөмж байсан бол нөгөө нь хананд суурилуулах загвартай байв. Хамгийн сонирхолтой нь, хөдөлгөөнт робот дээр суурилсан, ширээн дээр эргэлдэх боломжтой төхөөрөмж ч байсан гэж дуулджээ.
Эдгээр төхөөрөмжүүдийн гол онцлог нь сайжруулсан, “шинэ Siri” байх ёстой байв. Гэвч Apple-ийн AI технологийг хөгжүүлэх, ялангуяа өөрийн гэсэн AI загварыг бий болгох нь удааширч, Google-ээс AI загварыг түрээслэх шийдвэр гаргасан нь нөхцөл байдлыг улам хүндрүүлсэн.
Сайжруулсан Siri-г энэ оны гуравдугаар сард гаргах төлөвлөгөөтэй байсан ч одоогоор тодорхой болоогүй байна. Энэхүү удаашралаас болж дээр дурьдсан ухаалаг төхөөрөмжүүдийн худалдаанд гарах хугацаа есдүгээр сар хүртэл хойшилж магадгүй байна. Тиймээс, шинэ Siri-тэй ухаалаг гэрийн төхөөрөмжийг энэ намар хүлээж байгаа бол төлөвлөгөөгөө дахин нягтлах шаардлагатай болжээ.
