Канье Уэст 2025 оны дөрөвдүгээр сарын 3-нд Лос Анжелес хотын SoFi Stadium-д ганц удаагийн тоглолтоо хийхээр болжээ.
Өнгөрсөн жилүүдэд үзэл бодлын маргаантай үг хэллэгээсээ болж олон нийтийн шүүмжлэлд өртсөн Kanye West энэ жил дахин АНУ-д томоохон тайзнаа гарахаар төлөвлөж байна. Тоглолтын зохион байгуулагч Mainstay Touring компани энэ сарын 3-ны өдөр болох тоглолтын тасалбарын ерөнхий борлуулалт эхлэхийг мэдэгдэв. Kanye West 2024, 2025 онд Хятад, Солонгос, Мексикт хэд хэдэн тоглолт хийсэн ч АНУ-д цөөн үзэгчтэй тайзан дээр гарч байв.
Түүний эсрэг үзэлтэй үг хэллэг, тэр дундаа еврейчүүдийн талаархи доромжлол, нацист үзэлтэй холбоотой илэрхийлэл нь 2022 оноос хойш түүний уран бүтээлийн нэр хүндэд сөргөөр нөлөөлсөн. Үүний улмаас түүнийг төлөөлж байсан CAA агентлаг 2022 онд хамтын ажиллагаагаа зогсоож, 2025 онд 33 агентлаг ч мөн харилцаагаа тасалсан. Түүнчлэн Adidas-тай хийсэн Yeezy брэндийн хамтын ажиллагаа дууссан ч Spotify дээрх сүүлийн жилийн үзүүлэлтээр АНУ-ын шилдэг 10 уран бүтээлчийн нэг хэвээр байна.
Канье Уэст энэ оны эхээр Wall Street Journal-д өгсөн ярилцлагадаа сэтгэл зүйн эмгэг, тархины гэмтэлтэй холбоотойгоор өмнөх үзэл бодлоо эргэн харан уучлалт гуйсан бөгөөд шинэ Bully цомгоо гуравдугаар сарын 20-нд Gamma компанитай хамтран гаргахаар болжээ. Энэхүү хамтын ажиллагаа болон SoFi Stadium-д болох тоглолт нь маргаантай уран бүтээлчид ч гэсэн үзэгчдийн сонирхолтой үед томоохон зах зээлд эргэн орж ирж байгааг харуулж байна.
https://www.hollywoodreporter.com/t/kanye-west/
https://www.hollywoodreporter.com/t/sofi-stadium/
