Туркийн Aurora баг сүүлийн таван тэмцээнд плейоффын эхний шатнаас хасагдаж байсан ч энэ удаад адил асуудалтай байсан The MongolZ багийг хожиж, урагш ахилаа.
PGL Astana тэмцээний хасагдах шатны эхний улиралд The MongolZ-ийг 2-0 харьцаагаар буулган авснаар Aurora баг тав дараалан плейоффын эхний тоглолтод хожигдож байсан муу амжилтаа тасалдууллаа. Энэ нь тэдний хувьд Katowice тэмцээнд мөн л The MongolZ-т хожигдож байсан эхний уналтын хариу болж байна.
BLAST Bounty тэмцээний шигшээ тоглолтыг ч оруулбал, Aurora баг плейоффын хүрээнд зургаан дараалсан тоглолтод хожил авч чадаагүй байсан бөгөөд энэ талаар багийн AWPer, Өзгүр “woxic” Екер тайзнаа Жеймс “BanKs” Банкстай ярилцахдаа “Бид чадлаа. Хараалыг тасалсан” хэмээн баяр хөөртэй мэдэгдсэн.
Аль аль баг нь өмнө нь чухал шатанд тоглолтоо алддаг хэмээн нэрлэгдэж байсан тул энэ тоглолт Barys Arena-д болсон плейоффын нээлтийн тоглолтыг илүү сонирхолтой болгосон юм. Үүн дээр нэмээд тэд улсдаа тэргүүлэгч багууд гэдэг статусаа батлах гэсэн тулаан байсан нь тоглолтын ач холбогдлыг улам нэмэгдүүлсэн.
Гайхамшигтай тоглолтоороо Ali “Wicadia” Haydar Yalçın (Mirage map дээр 122 ADR) болон woxic (Anubis дээр 30-16 статистик) нар өрсөлдөөний интригийг үгүй хийж, Aurora багийг ноёрхолтой ялалтад хөтөллөө.
“Энэ бол манай долоо дахь плейофф байх. Энэ удаад бид амжилтад хүрнэ гэж найдаж байна,” хэмээн woxic тоглолтын өмнө HLTV-д ярьжээ. “Гэхдээ би урьдаас битгий муу ёрлоосой гэж хүсэж байна.”
Харин тэр үнэхээр муу ёрлож орхисонгүй. 26 настай снайпер Anubis map дээр 31 аллага хийж, үнэхээрийн нэг талын тоглолт үзүүллээ.
Aurora эцэст нь зөв цагт хүчээ авлаа
PGL Astana бол Aurora багийн нэг сарын дараах анхны тэмцээн байсан ч газар хөдлөлт, амралтын төлөвлөгөө зэргээс шалтгаалан бэлтгэл нь ихээхэн доголдсон байлаа. Гэсэн ч хэсгийн шатанд амаргүй байдалд орсон тэд тайзан дээр сэргэж чадлаа.
Энэ бол бидний өмнө нь олон удаа ярьж байсан түүхийн яг эсрэг хувилбар, баг эцэст нь тайзан дээр бүх зүйлээ зөв хийгээд эхэллээ. The MongolZ баг Anubis дээр тэднийг нэмэлт цагт хүргэсэн ч Aurora тэсэж үлдсэн.
Engin “MAJ3R” Küpeli тэргүүтэй баг дөрвөн удаа дараалсан post-plant нөхцөлд амжилтгүй тоглож, танил асуудлууд нь дахин гарч ирсэн ч нэмэлт цагт тэр бүхнийг даван туулж чадсан юм.
The MongolZ баг өөрсдийгөө эргэн харах цаг ирлээ
Хэсгийн шатанд 3-0 амжилт үзүүлсэн ч шөвгийн наймд 0-2-оор хасагдсан нь The MongolZ багийн талаархи таагүй дүгнэлтүүдийг өөрчилсөнгүй.
2024 оны шуугиан тарьсан баг 2025 онд тайзан дээр чадавхаа бүрэн харуулахыг бид тэсэн ядан хүлээж байсан ч энэ удаагийн тоглолтод урам хугалсан тактик, шийдвэрүүд хүлээлтийг хойшлууллаа.
Өмнөх тайзны тоглолтуудад гол буруутан нь гол тоглогч Азбаяр “Senzu” Мөнхболд болж байсан бол энэ удаа түүний оронд Гарьдмагнай “bLitz” Бямбасүрэнгийн удирдлагын алдаа, Өсөхбаяр “910” Банзрагчийн сул тоглолт болон дэмжигчийн үүрэг гүйцэтгэж буй, биеийн байдал тааруу байгаа Содбаяр “Techno” Мөнхболд нарын нөлөө илүү тод байлаа.
Баг сүүлийн нэг жил найман сарын хугацаанд бүрэлдэхүүндээ ямар ч өөрчлөлт хийгээгүй. Хэрвээ Major тэмцээн дээр ч түүх өөрчлөгдөхгүй бол энэхүү үе шатны төгсгөл ирж байж магадгүй байна.
hltv.org
