OpenAI-ийн хиймэл оюун ухаанд суурилсан чатбот платформ болох ChatGPT шинэ боломжуудаар өргөжсөөр байна. ChatGPT-ийн memory функц нь таны тохиргоог хадгалснаар харилцан яриаг илүү хувийн болгож өгдөг. Мөн сайжруулсан дуу хоолойн горим нь бодит цагийн харилцааг илүү дөхүүлж, GPT Store-оор дамжуулан хиймэл оюун ухаанд суурилсан програм, үйлчилгээ санал болгодог.
Тэгэхээр та “ChatGPT-ийн үнэ хэд вэ?” гэж бодож байж магадгүй. Энэ нь бодсоноос хэцүү асуулт, учир нь OpenAI ChatGPT-д зориулсан үнэгүй болон төлбөртэй олон төрлийн төлөвлөгөө санал болгодог. Эдгээр нь хувь хүн, төрийн бус байгууллага, жижиг, дунд бизнес, боловсролын байгууллага, томоохон аж ахуйн нэгжүүдэд чиглэсэн байдаг.
ChatGPT-ийн одоогийн захиалгын сонголтуудыг нэгтгэн, шинэ төлөвлөгөө нэмэгдэх бүрд шинэчлэн оруулах зорилгоор бид энэ гарын авлагыг бэлтгэлээ.
ChatGPT Free (Үнэгүй хувилбар)
Өмнө нь ChatGPT-ийн үнэгүй хувилбар хязгаарлагдмал боломжтой байсан ч OpenAI шинэ загварууд нэвтрүүлснээр илүү чадварлаг болжээ.
ChatGPT Free хэрэглэгчид OpenAI-ийн GPT-4o mini загварт хандах боломжтой бөгөөд вэбээс мэдээлэл татан хариултаа сайжруулдаг. GPT Store, файл, зураг оруулж, тэдгээрийн талаар асуулт асуух боломжтой. Мөн memory функцээр чатын тохиргоогоо хадгалах, өгөгдлийн гүнзгий шинжилгээ хийх (Excel, PDF зэрэг файлыг боловсруулах) зэрэг боломжууд багтана.
Гэхдээ үнэ төлбөргүй хувилбар нь GPT-4o загварын өдөр тутмын ашиглалтын хязгаар, файл байршуулах хязгаар зэрэг зарим сул талтай.
ChatGPT Plus
Хэрэв та илүү чадварлаг ChatGPT ашиглахыг хүсвэл ChatGPT Plus-д сарын $20 төлж болно.
ChatGPT Plus нь GPT-4o-д 3 цагт 80 хүртэлх мессеж илгээх, GPT-4o mini-д хязгааргүй мессеж илгээх боломжтой. Мөн o3-mini, o1-preview, o1-mini зэрэг OpenAI-ийн илүү хүчирхэг загваруудыг ашиглах боломж олгодог.
ChatGPT Plus-ийн давуу талууд:
- Advanced Voice Mode (Дуу хоолойн сайжруулсан горим)
- Видео, дэлгэц хуваалцах функц
- Sora-гийн видео үүсгэх хэрэгсэл
- GPT-4o дээр суурилсан илүү сайжруулсан өгөгдөл боловсруулах хэрэгсэл
ChatGPT Pro
Хэрэв та OpenAI-ийн хамгийн дэвшилтэт боломжуудыг бүрэн ашиглахыг хүсвэл ChatGPT Pro захиалж болно. Үнэ нь сар бүр $200.
ChatGPT Pro-ийн давуу талууд:
- GPT-4o-д хязгааргүй хандалт
- Advanced Voice Mode-д хязгааргүй хандалт
- 120 deep research (гүнзгий судалгааны) асуулга сар бүр
- OpenAI-ийн вэб хайлтын агент (Operator)-ийг ашиглах боломж
- Sora-гийн илүү олон видео үүсгэх боломж
ChatGPT Pro хэрэглэгчид шинэ функцуудыг хамгийн түрүүнд турших давуу эрхтэй.
ChatGPT Team
Жижиг бизнес эсвэл багийн ажиллагаанд зориулагдсан ChatGPT Team нь сарын $30 / хэрэглэгчийн төлбөртэй. Жилийн төлбөрөөр тооцвол сар бүр $25 / хэрэглэгч болно.
ChatGPT Team-ийн давуу талууд:
- Багийн гишүүдийн хамтын ажиллагааны орчин
- Шинэ загваруудад хандах боломж
- Файл дүн шинжилгээ хийх хэрэгслүүд
- Багт зориулсан тусгай chatbot хөгжүүлэх боломж
ChatGPT Enterprise
Томоохон байгууллагуудад зориулагдсан ChatGPT Enterprise нь 150-аас дээш хэрэглэгчтэй газруудад тохиромжтой. Үнийн талаар OpenAI албан ёсоор зарлаагүй ч нэг хэрэглэгчийн сарын төлбөр $60 орчим байдаг (150 хэрэглэгчийн доод хязгаартай, 12 сарын гэрээтэй).
ChatGPT Enterprise-ийн онцлог:
- Корпорацийн түвшний аюулгүй байдал, өгөгдөл хамгаалалт
- Нэмэлт тохиргоо, гүйцэтгэлийн сайжруулалт
- Байгууллагын удирдлагын самбар, анализын хэрэгслүүд
- API кредитээр өөрийн chatbot хөгжүүлэх боломж
- Тусгайлсан дэмжлэг, сургалт, зөвлөх үйлчилгээ
ChatGPT Edu
ChatGPT Edu бол их сургуулиуд, оюутнууд, судлаачид, багш ажилчдад зориулсан ChatGPT-ийн хувилбар юм. Үнийн мэдээлэл хараахан зарлагдаагүй.
ChatGPT Edu-ийн давуу талууд:
- ChatGPT Enterprise-тай төстэй
- Их сургуулиудад зориулсан илүү өндөр мессежийн хязгаар
- SCIM (үнэмлэхжүүлэх нэгдсэн систем) дэмждэг
OpenAI for Nonprofits
OpenAI төрийн бус байгууллагуудад зориулсан хөнгөлөлттэй үнийн бодлоготой.
- ChatGPT Team: сар бүр $20 / хэрэглэгч
- ChatGPT Enterprise: 50% хямдралтай буюу сар бүр $30 / хэрэглэгч
Гэхдээ боловсрол, эрүүл мэнд, шашин, засгийн газрын байгууллагууд энэ хөнгөлөлтөд хамрагдахгүй.
Дүгнэлт
ChatGPT нь үнэгүй хувилбараас эхлээд корпорацийн түвшний шийдлүүд хүртэл олон төрлийн төлөвлөгөөтэй. Хувь хүн бол ChatGPT Free, ChatGPT Plus сонголтыг, бизнес эрхлэгчид бол ChatGPT Team, томоохон байгууллагууд ChatGPT Enterprise-г сонгох боломжтой.
Шинэ боломжуудын талаар: Энэхүү нийтлэл анх 2024 оны 6-р сарын 15-нд нийтлэгдсэн бөгөөд 2025 оны 2-р сарын 25-нд шинэчлэгдэж, OpenAI-ийн o1, deep research, шинэ ChatGPT Pro төлөвлөгөө багтаасан болно.
techcrunch.com
