The MongolZ баг Liquid-ийг 2-1 харьцаагаар хожсоноор IEM Melbourne тэмцээний хагас шигшээд шалгарч, аваргын төлөө тоглох эрхийн төлөө Vitality багтай тулалдахаар боллоо.
Rod Laver Arena-д болсон шөвгийн наймын тулаан Anubis map-ээр эхэлсэн бөгөөд The MongolZ багийн хувьд T талд эхлэх нь тайзан дээрх сандралыг арилгахад төгс боломж байлаа. Гэвч энэ map нь Liquid багийн сонголт байсан тул тэд илт давуу тоглолтыг үзүүлж, CT талд байсаар 9-3 харьцаагаар давамгайлж эхлэв. Хоёр дахь pistol раундыг хожсон ч Liquid-ийн ялалт зайлшгүй болж, зэвсэгтэй раундууд эхэлмэгц тоглолт 13-5-аар өндөрлөв.
Харин Ancient map дээр нөхцөл байдал эсрэгээрээ эргэв. Liquid T талд таван раунд авч, зургаа ч авч болохоор байлаа. Гэвч сүүлийн раунд дээр Мөнхболд “Senzu” Азбаярын утаан дундуур цэвэр шүргэлтээр гурван тоглогчийг буулгаснаар баг нь хоёр раундаар тэргүүлж, ээлж солигдсоны дараа Монголын баг илт давамгайлсан тоглолт үзүүлж, 13-6-аар дуусгав.
Эхний хоёр map бол гол хоолных нь түрүүлж ирсэн амтлагч байлаа. Шийдвэрлэх map болох Counter-Strike-ийн хамгийн алдартай Inferno дээр тоглолт жинхэнэ өрсөлдөөн болон хувирч, нэг талыг барьсан байдлыг ардаа орхиж, хоёр баг ээлжилсэн оноо авалцсаар олон раундууд маш ширүүн өрнөв.
Эхлээд Liquid баг оноо нээсэн ч зэвсэгтэй раундууд эхэлмэгц The MongolZ баг Ууганбаяр “910” Банзрагчийн гайхалтай AWP тоглолт дээр үндэслэн CT талд тоглолтыг атгаж, 7-3 харьцаагаар тэргүүлэв. Гэсэн ч Liquid баг эцсийн раунд дээр Kamil “siuhy” Szkaradek болон Roland “ultimate” Tomkowiak нарын 2vs5 A site халдлагаар онооны зөрүүг хоёр болгож хагастай золгов.
Хоёрдугаар хагас хамгийн ширүүн хэсэг байлаа. Russel “Twistzz” Van Dulken B site дээр 1vs3 нөхцөлд буулган авалгүй хожигдож, The MongolZ баг 11-7 харьцаагаар тэргүүлэв. Гэвч удалгүй Twistzz A site дээр FAMAS ашиглан дөрвөн тоглогч буулгаж, мөн гайхалтай гүйцэтгэсэн 1vs3 clutch-аар тоглолтыг тэнцүүлж, match point-ыг саатуулан үзэгчдийн шуугианыг дэгдээв.
Эцэст нь ялалтыг авчирсан баатар бол Senzu биш байсан, тэр тайзан дээр дахин бэрхшээлтэй тулгарсан ч Ancient map дээр гайхалтай байсан. Харин 910 байсан юм. Тэр сүүлийн раунд дээр Liquid багийн гурван тоглогчийг дараалан буулган авч, нийт 30 аллагаар багтаа ялалт авчирч, 13-10 гэсэн онооны харьцаатайгаар тоглолтыг өндөрлүүлэв.
hltv.org
