2013 оноос эхлэн цахим орчинд тархсан хуурамч зургуудыг баримтжуулж ирсэн сэтгүүлч 2025 оныг “эргэх цэг” гэж тодорхойлов. Инстаграм, Фэйсбүүк, X зэрэг платформд хиймэл оюун ухаанаар (AI) бүтээсэн зураг, видео хэт олширч, жилийн шилдэг хуурамчуудыг сонгон тоймлох нь хүртэл утгагүй санагдах хэмжээнд хүрсэн гэжээ.
2023 онд AI-гаар бүтээсэн “пап лам пуховиктой” зураг олон нийтийг гайхшруулж байсан бол 2025 онд үүнтэй адил анхаарал татах жишээ сонгоход бэрх болсон байна. Хүмүүс богино бичлэг, зурагнуудыг үнэн худлыг нь нягтлахгүйгээр дараагийн контент руу шилжиж, “хуурамчид живж” буйг онцолсон байна.
Хуурамч контентыг таних чиглэлээр ТикТок, Юүтүб, Инстаграмд сургалт маягийн контент хийдэг Жереми Карраско хүртэл 2025 онд нэг видеог AI гэж андуурч, дараа нь бодит бичлэг болох нь тогтоогдсон тохиолдол гарчээ. Энэ нь “мэргэжилтнүүд ч төгс ялгаж чадахгүй” түвшинд хүрснийг харуулж байна.
@showtoolsai This video is real. I messed up. #aivideo #fyp ♬ original sound – Jeremy Carrasco
AI “слоп” контентын гол хөдөлгөгч нь мөнгөний урамшуулал гэж нийтлэлд дурдав. Амьтан аврах, нохой “эзнээ сонгох”, мөсөн дороос аварч буй мэт сэтгэл хөдөлгөм бичлэгүүд олон сая хандалт цуглуулж, бүтээгчдэд орлого авчирдаг ч ихэнх нь бодит биш байж болзошгүй гэжээ.
Фотореалист (photorealistic) AI дүрслэл өнөөдөр маш амархан болсон гэдгийг жишээгээр тайлбарласан байна. Google Gemini-ийн Nano Banana Pro загварыг 2025 оны 11-р сард гарсны дараахан ашиглан “камераа эгц харсан эрэгтэй хүний аль болох бодит зураг” гэсэн энгийн заавраар 10 секундэд бараг ялгагдахгүй зураг үүсгэж чадсан гэж бичжээ.
Ийм нөхцөлд зөвхөн “хараад таних” арга, эсвэл эх сурвалж мөрдөх нь хангалтгүй болж буйг онцолсон байна. Google Gemini-д визуал усны тэмдэг (watermark) илрүүлэгчийг нэгтгэсэн ч тухайн зураг AI гэж илрээгүй нь “заавал бодит” гэсэн үг биш, зүгээр л Google-оор бүтээгдээгүй байх боломжтой гэж тайлбарлав.
Мэдээллийн орчин будлиантай үед хүчтэй нөлөө бүхий хүмүүс үүнийг ашиглаж, бодит зүйлийг хүртэл “AI хуурамч” гэж үгүйсгэх эрсдэл нэмэгдсэнийг дурдсан байна. Доналд Трамп 2025 онд BBC түүний хэлээгүй үгийг AI-гаар хийсэн мэтээр мэдэгдсэн ч баримтаар үгүйсгэгдсэн, мөн 2025 оны 9-р сард Цагаан ордны цонхоор эд зүйл шидэж буй бичлэгийг AI гэж тайлбарласан зэрэг нь “худалчийн давуу тал” (liar’s dividend) гэх ойлголттой холбоотой гэжээ.
Musk thinks this version of the future is what people really want—fake content that caters to your desires—because he's so detached from humanity. As he told Joe Rogan: "Most of what people consume in five or six years, maybe sooner than that, will be just AI-generated content. So music, videos…"
— Matt Novak (@paleofuture.bsky.social) November 9, 2025 at 12:27 AM
[image or embed]
X-ийн эзэн Илон Маск ойрын 5–6 жилд хүмүүсийн өдөр тутам хэрэглэдэг ихэнх контент AI-гаар үүсгэгдэнэ гэж ярьж, тийм ирээдүйг хүсэж буй мэт байр суурь илэрхийлсэн нь шүүмжлэл дагуулж байна. Нийтлэлд “ихэнх зүйл хуурамч болох тусам бодит зүйлийг онцлон хэлэх нь илүү чухал болж магадгүй” гэсэн санааг дэвшүүлжээ.
