AFCON 2025-ын А хэсгийн сүүлийн тоглолт Даваа гарагт Рабат хотод болж, зохион байгуулагч Морокко болон Замби шөвгийн 16-д шалгарах хувь заяагаа шийднэ. Морокко Коморосыг 2-0 гэсэн гоолын харьцаатайгаар хожиж, Малитай 1-1-ээр тэнцсэнээр нэг оноо авахад л дараагийн шатанд автоматаар гарна. Харин 2012 оны аварга Замбийн хувьд заавал хожих шаардлагатай: ялбал шууд шалгарна, хожигдвол тэмцээнээ өндөрлүүлэх эрсдэлтэй.
Тэнцээ ч Замбид бүрэн хаалт биш. Оноо хуваавал зургаан хэсгээс шалгарах “Хамгийн шилдэг дөрвөн дэд байр”-ын өрсөлдөөнд орох найдвар үлдэнэ. Иймээс тэд довтолгоондоо илүү эрсдэлтэй хандаж, Патсон Дака тэргүүтэй шугам шийдвэрлэх мөчүүдэд зоримог тоглох шаардлагатай. Харин Морокко гэрийн талбайн давуу тал, дарамт багатай нөхцөлдөө тулгуурлан хяналттай тоглолтоор хүссэн үр дүнгээ авах тактиктай гарах төлөвтэй.
Бүрэлдэхүүний тухайд Мороккод Ромен Саисс, Хамза Игаманэ нарын бэртэл бүрэн эдгээгүй хэвээр. Харин Ахраф Хакими шагайн гэмтлээсээ эргэн ирж байгаа тул сэлгээнээс минут авч магадгүй.
Тоглолт 2025 оны 12-р сарын 30-нд 03:00 цагт (Улаанбаатарын цагаар) эхэлнэ. (19:00 GMT)
Замби (эхний 11):
Виллард Мванза, Матэвс Банда, Мигел Чаива, Бенсон Сакала, Фрэнки Мусонда, Кабасо Чонго, Кингс Кангва, Патсон Дака, Доминик Чанда, Дэвид Хамансеня, Жозеф Литета.
Морокко (эхний 11):
Яссин Буну, Нуссаир Мазрауи, Найеф Агуэрд, Аззедин Унахи, Брахим Диаз, Исмаил Сайбари, Мохамед Чиби, Абдессамад Эззалзули, Айюб Эль Кааби, Нэйл Эль Айнауи, Адам Масина.
