"Дээд лигийн зохион байгуулалт тамирчдын чадварыг сайжруулахад чиглэж байна" (posted.mn)
Спорт сонирхогч, сагсан бөмбөгийн үнэнч фанатуудын хүсэн хүлээдэг, сагсан бөмбөгийн шилдгүүдийн цугларах талбар Үндэсний Дээд лигийн 30 дахь улирлын гал гарсан тоглолтууд эхлэхэд ердөө ганцхан өдөр үлдлээ. Манай улсад багийн спортын төрөл эрчимтэй хөгжиж, Монгол тамирчдын ур чадвар дэлхий дахинаа шагшигдаж байгаа энэ цагт сагсан бөмбөгийн соёлыг үнэнч үзэгч, хөгжөөн дэмжигчидгүйгээр төсөөлшгүй билээ. Тэгвэл өөрийн дэмждэг багийнхаа тоглолтыг дэргэдээс нь үзэж, халуун алга ташилт, урмын үгээр ордны уур амьсгалыг доргиох нь тоглолтын чанар болоод тамирчдын сэтгэл зүйд хэрхэн нөлөөлдөг бол?