Английн Премьер лигийн лхагва гарагийн тоглолтод (Монголын цагаар пүрэв гарагийн 4:15 цагт) Астон Виллагийн хаалгач Эмилиано Мартинес тоглох эсэх нь эргэлзээтэй байгаа талаар багийн менежер Унай Эмери мэдээлжээ.
Аргентины шигшээ багийн хаалгач Мартинес аравдугаар сард болсон Ballon d’Or шагнал гардуулах ёслолоор дэлхийн шилдэг хаалгачийн шагналыг дараалан хоёр дахь жилдээ хүртсэн. Гэвч өнгөрсөн ням гарагт Челситэй хийсэн тоглолтын үеэр (0:3 хожигдол) эхний хагаст тоглож, дараа нь талбайг орхисон байна.
“Түүний гар нь асуудалтай байгаа. Тэр хэр байгааг сайн хэлж мэдэхгүй байна” хэмээн Эмери онцлов. Түүний удирдлага дор энэ улиралд Вилла багийн цэвэр хаалттай тоглолтын тоо хамгийн цөөн багуудын нэг хэвээр байгаа юм.
The Boss on Brentford: "I want to dominate and control the game against the opposition but that is going to be very difficult. Their goalkeeper is playing fantastic, they have very good players in different highs of the pitch and they have players who are fast, skillful and play… pic.twitter.com/fmpmMzTiNr
— Aston Villa (@AVFCOfficial) December 3, 2024
Эмилиано Мартинесын гэмтэл
Астон Виллагийн менежер Унай Эмери Эмилиано Мартинесыг найман тоглолтын ялагдалгүй цувралаа зогсоох оролдлогоо хийхийн өмнө, Мягмар гарагт нэмэлт шинжилгээ хийлгэнэ гэж хүлээж байгаагаа илэрхийлжээ.
Вилла баг энэ улиралд Аваргуудын лигийн таван тоглолтдоо нэг ч гоол алдаагүй ч, Премьер лигт зөвхөн нэг удаа буюу аравдугаар сарын 6-нд Манчестер Юнайтедын эсрэг тоглолтод хаалгандаа цохиулан хааж чаджээ. Тухайн үед Манчестер Юнайтед улирлын эхний долоон тоглолтод ердөө таван гоол оруулсан байсан юм.
Мартинес гэмтэл авахаасаа өмнө лигийн бүх тоглолтод оролцож байсан ч сүүлийн дөрвөн тоглолт бүрт дор хаяж хоёр гоол алдсан байна.
Вилла vs Брентфорд: Эмери Брентфордыг магтав
Брентфорд баг Премьер лигийн хүснэгтийн наймдугаар байрт бичигдэж байгаа бөгөөд сүүлийн гурван тоглолтоос нийт долоон оноо авч, Астон Виллаг нэг оноогоор тэргүүлж байна. Гэвч Томас Франкын удирдсан баг энэ улиралд зочлон тоглолтод ердөө нэгхэн оноо авсан нь лигийн хамгийн доод үзүүлэлт юм.
Астон Виллагийн менежер Унай Эмери Брентфордыг “Сүүлийн жилийн турш хамгийн тогтвортой багуудын нэг” хэмээн тодорхойлж, тэд өрсөлдөгчөө ялах “Өөр өөр арга замуудтай” хэмээн онцолжээ.
On tomorrow night and our fans: "We will need them supporting us like they’re doing and of course, we need their energy. Hopefully they can transmit their energy, we can as well transmit to them our capacity to play being motivated being intense with good and positive energy and… pic.twitter.com/GCqzspITnv
— Aston Villa (@AVFCOfficial) December 3, 2024
Эмери: “Брентфорд эрс өөрчлөгдсөн”
“Брентфорд баг 2018 онд би Арсеналыг удирдаж байх үеийн Брентфорд биш” гэж Унай Эмери онцлов. “Тэд тактикийн хувьд олон шинэ зүйл нэмж, бөмбөгтэй тоглолтоор гайхалтай тоглож байна.”
“Тэд өрсөлдөх чадвар өндөртэй. Тэд урт дамжуулалтыг үр дүнтэй ашиглаж, хоёр дахь боломжийг гоол болгон хувиргаж чадна. Мөн богино дамжуулалт, бүтээлч хослолуудыг ашиглан довтолгоо үүсгэж, чанартай тоглолтоороо гоол оруулдаг.
“Тэдний өндөр прессинг маш хүчтэй, хамгаалалтын гүн блок ашиглах үедээ ч байрлал сайтай. Транзит үед тоглох чадвартай, чадварлаг тоглогчидтой баг.”
Энэхүү тоглолтод Брентфорд хожвол хүснэгтийн зургаадугаарт бичигдэх боломжтой бол, Астон Вилла гурван оноо авснаар долоодугаар байрт дэвших боломжийг нээх юм.
101greatgoals.com
