Клаудио Эчеверри Байер Леверкузен руу зээлээр явлаа
Байер Леверкузен Манчестер Ситигийн залуу авьяастан Клаудио Эчеверриг 2025-26 оны улиралд зээлээр авах тохиролцоонд хүрлээ.
Аргентины ирээдүйтэй хагас хамгаалагч гэгддэг 19 настай Эчеверри Бундеслигт Эрик тен Хагийн удирдлага дор тоглох болж байна. Тэр өнгөрсөн улиралд Манчестер Ситид гурван тоглолт хийсний дотор Английн цомын финалд Кристал Паласт сэлгээгээр анх удаа оролцсон бол 2025 оны зургадугаар сард болсон Клубын дэлхийн аварга шалгаруулах тэмцээнд Аль-Айныг 6-0 харьцаатай хожсон тоглолтод анхны гоолоо оруулсан юм.
Сити 2024 оны нэгдүгээр сард Ривер Плейтээс 12.5 сая фунт стерлингээр түүнийг авч байсан ч Пеп Гвардиола болон дасгалжуулагчийн баг нь илүү тогтмол тоглох боломжийг хангахын тулд зээлээр явуулахаар шийджээ.
🚨💣 Claudio Echeverri to Bayer Leverkusen, here we go! Deal agreed with Manchester City for straight loan.
— Fabrizio Romano (@FabrizioRomano) August 19, 2025
No buy option clause, salary covered by Leverkusen and Echeverri on his way for medical already tonight.
El Diablito will play under ten Hag, as @MatteMoretto reported. pic.twitter.com/zQPXp5gjYD
Гвардиола илүү олон тоглогчийг явуулахад нээлттэй
Эчеверриг зээлээр явуулсан нь Ситигийн хувьд энэ зуны сүүлчийн шилжилт биш байж мэднэ. Гвардиола багийн бүрэлдэхүүнийг цомхон байлгах шаардлагатайг онцлон тэмдэглэж, “Тоглогчдыг тоглолтгүй үлдээх нь эрүүл бус. Ингэвэл өрсөлдөхөд шаардлагатай уур амьсгал алдагдана” хэмээн ярьжээ.
Тоттенхэм Бразил жигүүрийн тоглогч Савиньог авах талаар хэлэлцээр хийж байгаа ч Премьер лигийн аваргууд зөвхөн оновчтой санал ирвэл л түүнийг худалдахад бэлэн байгаа аж. Харин хаалгач Эдерсон Туркийн Галатасарай клубтэй холбогдсон хэвээр байгаа бөгөөд тэрээр өвчний улмаас улирлын эхний тоглолтод оролцоогүй юм. Мөн Галатасарай Швейцарийн хамгаалагч Мануэль Аканжид сонирхлоо илэрхийлсэн ч тохирох санал болон тоглогчийн шийдвэр чухал хэвээр байна.
Үүний зэрэгцээ Чемпионшипт дэвшсэн Рексхам Манчестер Ситигийн залуу хамгаалагч Каллум Дойлыг 8 сая фунт стерлингийн үнээр авах хэлэлцээрийн эцсийн шатандаа оржээ.
Зуны шилжилтийн цонх есдүгээр сарын 1-ний Даваа гарагийн 19:00 цагт хаагдах бөгөөд Манчестер Сити тоглогчдыг явуулах, шинэ бүрэлдэхүүнээр хүч нэмэх аль алинд нь идэвхтэй ажиллахаар байна.
Эх сурвалж:
