Арсеналын хаалгач Давид Рая шинэ гэрээ байгууллаа
BBC Sport-ийн мэдээлснээр Арсеналын хаалгач Давид Рая клубтэйгээ сайжруулсан гэрээ байгуулжээ.
Рая өнгөрсөн улиралд Брентфордоос зээлээр тоглож байгаад 2023 оны 7-р сард байнгын гэрээгээр нэгдсэн. Түүний гэрээ 2027–28 оны улирлын төгсгөл хүртэл хүчинтэй хэвээр байгаа ч хугацааг сунгаагүй байна. Гэсэн хэдий ч долоо хоногийн цалин нь 100,000 фунт стерлингээс өссөн гэж эх сурвалжууд мэдээлэв.
Шинэчилсэн гэрээг зуны улиралд тохиролцсон боловч Арсенал албан ёсоор зарлаагүй байгаа аж. Түүнчлэн, клуб Лиандро Троссарттай ижил төстэй тохиролцоонд хүрсэн ч мөн адил албан ёсоор мэдэгдээгүй байна.
Рая Брентфордоос зээлээр ирснээс хойш Арсеналын төлөө нийт 105 тоглолтод оролцсон бөгөөд Испанийн шигшээ багийн хаалгач тэрээр сүүлийн хоёр улирал дараалан Премьер лигийн хамгийн олон цэвэр хаалттай тоглолт хийсэн хаалгачийн “Алтан бээлий” шагналыг хүртсэн. Өнгөрсөн улиралд тэрээр Ноттингем Форестын Матц Селстэй хамт энэ шагналын эзэн болсон юм.
🔗 Эх сурвалж: 101 Great Goals
