Панамын Барро Колорадо арлын борооны ойд судлаачид өнгө нь халуун ягаан, ногоон хооронд шилждэг өвөрмөц katydid шавьжийг илрүүлжээ.
Смитсонианы Тропикийн Судалгааны Институтийн судлаачид 27 мм урттай, арьсан навч мэт дүр төрхтэй katydid-ийг барьж, түүний өнгө 11 хоногийн дотор халуун ягаанаас уламжлалт ногоон болж хувирсныг ажигласан байна. Энэ нь шавьжийн өнгөний өөрчлөлт нь генийн гажиг бус, харин борооны ойн навчны амьдралын мөчлөгтэй уялдан дасан зохицсон амьдрах стратеги болохыг харуулж байна. Барро Колорадо арлын ургамлын 36 хувь нь навчныхаа эхний үе шатанд улаан, ягаан өнгөтэй байдаг бөгөөд энэ нь ургамлын идэш тэжээл багатайг илтгэж, шавьжнаас хамгаалах үүрэгтэй гэж үзжээ.
Ингэснээр халуун ягаан өнгө нь шавьжийн хувьд хөхтөн амьтдаас нуугдах үр дүнтэй арга байж болох бөгөөд энэ нь байгалийн ногоон ойд өнгөний хувиралтай нуугдах чадварыг харуулсан шинэ жишээ болж байна гэж судлаачид дүгнэжээ. Судалгааны үр дүнг Ecology сэтгүүлд нийтэлсэн байна.
https://www.eurekalert.org/news-releases/1119917
https://www.iflscience.com/is-the-spiny-devil-katydid-the-strangest-insect-in-the-world-you-tell-us-79091
https://www.iflscience.com/people-are-surprised-to-discover-grasshoppers-come-in-pink-55094
https://esajournals.onlinelibrary.wiley.com/doi/10.1002/ecy.70333
