Боксчин Дэвин Хэйни, Жилберто Рамирезийн эсрэг Дэвид Бенавидезийн боломжит тулааны талаарх өөрийн таамаглалаа хуваалцлаа.
WBC холбооны аварга Дэвид Бенавидез нь тавдугаар сарын 2-нд Лас Вегас дахь T-Mobile Arena-д Жилберто Рамирезийн WBO, WBA холбооны тивийг булаалдах тулаанд анх удаа 200 фунт (90.7 кг) жинд өрсөлдөхөөр болжээ. Энэ тулаан нь түүний хувьд гурав дахь жиндээ аварга болох боломжийг олгоно. Бенавидез өнгөрсөн арваннэгдүгээр сард Энтони Ярдыг долоо дахь үедээ техникийн нокаутаар буулгаж авч байсан бөгөөд түүнээс өмнө Дэвид Морелл, Олександр Гвоздык нарыг онооны давуугаар ялж байв.
Өрсөлдөгч Жилберто Рамирез нь өмнө нь супер дунд жинд дэлхийн аваргаар шалгарч байсан бөгөөд одоо крузервейт жинд хүч үзэж, Юниел Дортикос, Крис Биллам-Смит, Арсен Гуламирян нарыг дараалан шүүгчдийн санал нэгтэй шийдвэрээр ялсан туршлагатай. Гэсэн хэдий ч, WBO холбооны аварга Дэвин Хэйни “Зурдо” Рамирезийг Бенавидезийн хувьд амархан өрсөлдөгч байх болно гэж үзэж байна.
Хэйни “Энэ бол Бенавидезийн хувьд амархан тулаан байх болов уу. Би ‘Зурдо’ түүнд ямар нэгэн бэрхшээл учруулж чадна гэж бодохгүй байна… Ялангуяа түүний дасгалжуулагч Малик Скотт байхад бол бүр амархан” хэмээн онцолжээ.
Олон хүн Бенавидезийн хурдан цохилтууд болон хослол нь түүнд ялалт авчирна гэж таамаглаж байгаа ч, Рамирезийн туршлагатай тактик нь өрсөлдөгчийнхөө давуу талыг хязгаарлаж чаддаг билээ.
