Бүх цаг үеийн шилдэг хүнд жингийн боксчдын нэг Майк Тайсон өнөөг хүртэл спортоо сонирхож, одоогийн таван шилдэг боксчиноо нэрлэжээ. “Төмөр Майк” хэмээх алдартай тэрбээр 20 настайдаа дэлхийн аварга болж, түүхэн амжилтын эзэн болсон билээ. Тэрээр хоёр удаагийн дэлхийн аварга болж, спортын түүхэнд хамгийн алдартай тамирчдын нэг болсон юм.
2024 онд тэрээр залуу боксчин Жэйк Полтой хийсэн тулаанд ялагдал хүлээсэн ч олон жилийн турш рингнээ үлдэж, түүхэн амжилт тогтоосон. Одоо Тайсон залуу боксчдыг бэлтгэн, спортын хөгжилд хувь нэмэр оруулж байна. Тэрээр саяхан болсон “Ring Magazine”-д өөрийн хамгийн их хүндэлдэг тамирчдын талаар дурдаад, тэднийг онцолжээ.
Тэрээр “Би Шакүр Стивенсоныг их дэмждэг. Мөн Кийшён Дэвис, Теренс Кроуфорд, Японы Наоя Иноуэ, Жермалл Чарло нарыг сайн боксчид гэж боддог” гэжээ. Шакүр Стивенсон нь дөрвөн жинд дэлхийн аварга болсон, хамгаалалтын урлагаараа онцгойрдог тамирчин юм. Түүний дараа Кийшён Дэвис нь Стивенсоны ойрын найз бөгөөд мөн амжилттай тулалдаж байна.
Теренс Кроуфорд нь дээр дурдагдсан хоёр тамирчны багш бөгөөд өнгөрсөн жил зодог тайлсан. Түүний зодог тайлсны дараа Наоя Иноуэ “жижиг жингийн хаан” гэгдэх болсон бөгөөд нокаут болон гайхалтай ялалтаараа олны анхаарлыг татаж байна. Жермалл Чарлогийн нэрийг дурдсан нь түүний сүүлийн таван жилд идэвхгүй байсан нь харагдаж байгаа ч тэрээр шилдэг тамирчдын тоонд зүй ёсоор багтдаг.
