Роберт Пэриш 1986 оны Бостон Селтиксийн баг 2024 оны аварга багийг илүүрхэнэ гэж үзэж байгаагаа илэрхийлжээ.
Бостон Селтикс энэ улиралд гэнэтийн гайхалтай амжилт үзүүлж, Жейсон Тэйтум эргэн ирснээр аваргад өрсөлдөх боломжтой харагдаж байна. Детройт Пистонс багийн од Кейд Каннингэм уушгины хий хурах өвчний улмаас удаан хугацаагаар талбайд гарах боломжгүй болсон нь Селтикст Зүүн бүсийн тэргүүн байрт хүрэх боломжийг нээж байна. Одоогоор тэд Детройтоос ердөө 3.5 хожигдолтой байгаа бөгөөд үлдэгдэл 13 тоглолтод энэ зөрүүг арилгах боломжтой.
1986 оны Селтикс болон 2024 оны аварга багийн аль нь илүү байх тухай асуултад Селтиксийн домогт тоглогч Роберт Пэриш өөрийн тоглож байсан 1986 оны багийг сонгосон байна. Тэрээр ярилцлагадаа Билл Уолтоныг онцолж, “Түүнийг зогсоох арга байхгүй байсан бөгөөд энэ нь бидний амжилтад чухал үүрэг гүйцэтгэсэн” гэжээ. Уолтон бол тэр үеийн лигийн хамгийн шилдэг тоглогчдын нэг байсан бөгөөд түүнийг ямар ч баг барьж авах аргагүй байсан гэж Пэриш онцолсон байна.
https://x.com/CelticsCLNS/status/2034389092637589826
Билл Уолтон бол түүхэн дэх хамгийн авьяаслаг тоглогчдын нэгт тооцогддог. Тэрээр UCLA-д гурван удаа үндэсний шилдэг тоглогчоор шалгарч, хоёр удаа улсын аварга цолыг авчирсан. Мөн 1977 онд Портланд Трейл Блэйзерс багтайгаа NBA-гийн шигшээ тоглолтын MVP, 1978 онд лигийн MVP-г хүртэж байв. Түүний карьерыг бэртэл зовоосон ч, 1985 онд Селтикс багт ирээд 67 хожил байгуулж, 1986 онд багтаа аварга болоход нь тусалсан түүхтэй.
