Судлаачид амьдрал оршин тогтнох боломжтой 45 чулуурхаг гарагийг тодорхойлжээ.
Сансар огторгуйд амьдрал хайх эрлийн явцад судлаачид нарны аймгаас гадна орших 6,000 гаруй гарагийг нээжээ. Эдгээрээс хамгийн их амьдралтай байж болох 45 чулуурхаг гарагийн жагсаалтыг гаргасан байна. Эдгээр нь “алтан дундаж бүс”-т буюу одтойгоо ойртоод хэт халуун, холдоод хэт хүйтэн биш зайнд оршдог тул шингэн ус оршин тогтнох боломжтой гэж үзэж байна. Жагсаалтад Проксима Кентаури b, ТРАППИСТ-1f, Кеплер 186f зэрэг алдартай экзопланетүүд багтжээ.
Энэхүү судалгааны гол зорилго нь нарны аймгаас гадна амьдрал оршин тогтнох боломжтой газруудыг тодорхойлох явдал юм. Судалгааны хамтран зохиогч, Сан-Францискогийн Улсын Их Сургуулийн оюутан Жилис Лоури хэлэхдээ, “Амьдрал оршин тогтнох магадлалыг юу нэмэгдүүлдэг гэдгийг хэлэхэд хэцүү ч хаанаас эхлэхээ мэдэх нь чухал алхам юм. Бидний зорилго бол ‘хамгийн сайн ажиглалтын бай” гэдгийг харуулах явдал байсан” гэжээ.
Судлаачид Европын сансрын агентлагийн Gaia болон NASA-гийн Экзопланет архивын мэдээлэлд тулгуурлан гарагуудыг судалжээ. Тэд амьдрал оршин тогтнох бүсэд орших, мөн нарны гэрлийг дэлхийгээс авдаг хэмжээтэй адил хэмжээтэй энерги авдаг гарагуудыг анхаарчээ. Анхдагч нэр дэвшигчдийн дунд 40 гэрлийн жилийн зайд орших ТРАППИСТ-1 хэмээх улаан одойны тойрогт эргэлдэх дэлхийтэй тэнцэхүйц хэмжээтэй чулуурхаг гарагууд багтсан.
Судалгаанд өргөн хүрээтэй 3D амьдрал оршин тогтнох бүсийг хамарсан 24 нэр дэвшигчийг мөн тодорхойлжээ. Үүнд хэт халуун, цацрагийг тэсвэрлэх чадвартай гарагуудыг багтаасан бөгөөд энэ нь амьдрал оршин тогтнох нөхцөл байдал хэрхэн өөрчлөгдөж болох талаарх ойлголтыг өргөжүүлжээ. Корнелл Их Сургуулийн судлаач Абигейл Бол хэлэхдээ, “Эдгээр гарагуудыг судлах нь амьдрал оршин тогтнох байдал хэзээ алдагдаж, хэр их энерги хэтэрхий их болох, ямар гарагууд амьдралтай байсан эсвэл хэзээ ч байгаагүй болохыг ойлгоход тусална” гэжээ.
https://academic.oup.com/mnras/article/547/3/stag028/8526432?login=false
