Тус улсын алдарт боксчин Наоя Иноуэ энэ оны сүүлээр жингийн дээд ангилал болох “featherweight” (57.15 кг) руу шилжих төлөвтэй байгаа бөгөөд АНУ-ын нэгэн супер од түүнтэй эхэлж тулалдах сонирхолтой байгаагаа илэрхийлжээ.
Иноуэ өмнө нь “light-flyweight” (49 кг) болон “super-flyweight” (52.16 кг) ангилалд дэлхийн аварга цолоо баталж, харин “bantamweight” (53.52 кг) болон “super-bantamweight” (55.34 кг) ангилалд бүх бүсийг нэгтгэн эзэмшиж байсан билээ. Тэрбээр 2023 онд Марлон Тапалесыг буулган авснаас хойш 122 фунт (55.34 кг) жиндээ зургаан удаа амжилттай хамгаалалт хийгээд байна.
Одоогийн байдлаар Иноуэ түүхэн дэх хамгийн хүнд тулаан болох, мөн Японы боксын түүхэнд хамгийн том гэгдэх тулаанд, өөрийн улсын хүчирхэг тамирчин Жунто Накатанитэй учраа таараад байгаа бөгөөд энэ тулаан түүний карьерыг тодорхойлох магадлалтай. Энэхүү тулаанд хэн ялагч боловч “featherweight” (57.15 кг) жинд дэвшихэд нь урамшуулах бөгөөд Иноуэ “The Big Bang” хочит Накатанийг ялбал хэчнээн жингийн аварга болж чадахыг үзэгчид ихээхэн сонирхож байна.
“Featherweight” (57.15 кг) жинд Иноуэг хүлээж буй өрсөлдөгчдийн нэг нь WBC холбооны аварга, Нью-Йорк хотын боксчин Брюс Каррингтон бөгөөд тэрбээр “Fight Hub TV” сувагт өгсөн ярилцлагадаа тэдний тулааныг зохион байгуулахад хангалттай сонирхол байгаа гэдэгт итгэлтэй байгаагаа илэрхийлжээ.
Иноуэ, Накатани нарын тулаан тавдугаар сарын 2-ны Бямба гарагт Токиогийн “Dome” цэнгэлдэх хүрээлэнд болно. Энэ нь Японы түүхэн дэх хамгийн шилдэг хоёр тамирчин учраа таарч, өөрсдийн ялагдалгүй үзүүлэлтээ эрсдэлд оруулах томоохон арга хэмжээ юм.
