Челси клуб ирэх зун германы “ФК Кёльн”-ий довтлогч Саид Эл Малаг элсүүлэхээр сонирхож байгаа талаар мэдээлжээ.
Сүүлийн үед тоглогчийн гүйцэтгэл өндөр байгаа бөгөөд тэрээр энэ улиралд Бундеслигт 28 тоглолтод оролцож, 9 гоол хийж, 4 ашигтай дамжуулалт өгөөд амжаад байна. Тэрээр “ФК Викториа Кёльн”-д зээлээр тоглож байхдаа амжилттай тоглосны дараа эргэн ирсэн бөгөөд одоо “ФК Кёльн”-ийн чухал тоглогч болжээ.
“ФК Кёльн” клуб түүнийг 34 сая фунт стерлингээс эхлэн санал хүлээж авахад бэлэн байгаа бөгөөд энэ нь клубын түүхэн дэх хамгийн өндөр наймаа байх төлөвтэй байна. Гэсэн хэдий ч Челси клуб Нюкасл Юнайтед, Брайтон энд Хоув Альбион зэрэг Премьер лигийн бусад клубууд болон Саудын Арабын лигийн багуудтай өрсөлдөхөд хүрнэ.
