“Memvid” хэмээх хиймэл оюун ухааны (AI) санах ойг сайжруулах чиглэлээр ажилладаг компани AI-тай “маргалдах” ажлын байранд хүн шалгаруулж байна. Тус ажлын байранд оролцогч нь бүтэн өдрийн турш камерын өмнө сууж, чатботуудтай (chatbot) “хэрэлдэж”, тэдний санах ойн чадварыг шалгах ёстой.
Энэхүү ажлын байр нь нэг өдрийн ажиллагаатай бөгөөд 800 ам.доллар төлнө. “Memvid” компани нь AI болон чатботуудын урт хугацааны санах ой, ярианы үргэлжлэлийг алдагддаг сул талыг олон нийтэд таниулах зорилгоор энэхүү сурталчилгааны аяныг зохион байгуулж байгаа аж. Ажилд авсан хүн нь янз бүрийн чатботуудтай харилцан, өмнөх ярианы агуулгыг санах чадварыг нь туршиж, алдаа бүрийг нь тэмдэглэн авах юм.
Ажлын байранд тавигдах шаардлага нь тун энгийн. Технологид урам хугарахаар олон удаа учирч байсан туршлагатай, чатботуудтай ижил асуултыг дахин дахин асуух тэвчээртэй, мөн камерыг харж ярихад бэлэн байх ёстой. Одоогоор нэг хүнийг шалгаруулж байгаа ч цаашид энэ аяныг өргөжүүлэх боломжтойг тус компанийн гүйцэтгэх захирал Мохамед Омар дурджээ. Судалгааны үр дүнд коммерцийн чатботууд урт хугацааны харилцан ярианы үед мэдээлэл санах чадварт ойролцоогоор 30 хувийн бууралттай байдаг нь тогтоогдсон байна.
