Кевин Уолштай хийсэн сүүлийн тулаанд ялагдсаны дараа Ирландын боксчин Майкл Конон боксын карьераа дуусгавар болгожээ.
34 настай боксчин Майкл Конон саяхан Кевин Уолштай хийсэн тулаанд маргаантай байдлаар ялагдсаны дараа зодог тайлахаар шийдвэрлэсэн байна. Тэрбээр хэвлэлд хандаж хэлэхдээ, “Энэ удаагийн сүүлчийн оролдлого миний хувийн зорилгын төлөө байсан. Дэлхийн аварга болох зорилгодоо хүрэхийн тулд би өөртөө болон гэр бүлийнхнийхээ төлөө хичээсэн. Гэвч энэ нь болоогүй бололтой. Тиймээс хангалттай гэж бодож байна. Ямар ч байдлаар ялагдсан хамаагүй, одоо болсон нь хангалттай. Би гурав дахь удаагаа эргэн ирж, оролдсондоо баяртай байна. Намайг дэмжсэн бүх хүмүүст талархаж байна. Дэлхий даяар тулалдаж, үргэлж намайг дэмжсэн бүх хүмүүстээ баярлалаа. Тэд ялагдал бүрийн минь үед ч надтай хамт байсан.” гэжээ.
Конон нь сонирхогчдын боксоор амжилттай оролцож, Ирландын анхны Дэлхийн аварга болж байсан бөгөөд 2012 оны Лондонгийн олимпоос хүрэл медаль хүртэж байв. Тэрбээр мэргэжлийн бокс руу шилдэхдээ их хэмжээний дэмжлэг авч байсан бөгөөд хоёр удаа дэлхийн аваргын бүсний төлөө тулалдаж, 24 тулаанаас 20-д нь ялалт байгуулсан амжилттайгаар карьераа өндөрлүүлж байна.
