Лос Анжелес мужид 700 гаруй нохой, муурны амьдралыг аварсан том ажиллагаа болжээ.
АНЫН Амьтан халамжийн газар болон хяналтын газраас Лхагва гарагт Калифорнийн Лейк Хьюз хотод амьтны эрүүл мэндийн хууль зөрчсөн хэргээр шалгалт хийж, улмаар 700 гаруй нохой, муурыг аварсан байна. Энэхүү ажиллагаа нь тус байгууллагын түүхэнд хамгийн олон тооны амьтдыг нэг дор авран хамгаалсан тохиолдол бөгөөд улсын хэмжээнд ч томоохонд тооцогдож магадгүй юм.
Аврагдсан амьтад “Rock N Pawz Rescue” байгууллагын халамжинд байсан бөгөөд уг ажиллагаатай холбогдуулан хэн нэгэнд ял тулгасан эсэх нь тодорхойгүй байна. АНУ-ын Зэвсэгт хүчин болон бусад холбогдох байгууллагууд энэ ажиллагаанд дэмжлэг үзүүлсэн бөгөөд одоогоор амьтдыг эрүүлжүүлэх, тэжээх ажлыг эрчимтэй хийж байна.
Энэхүү ажиллагаанд Pasadena Humane, SPCA LA, Kern County Animal Services зэрэг олон байгууллагын 70 гаруй ажилтан оролцсон байна. Лос Анжелес мужийн Дэд бүтцийн хэлтэс, Эрүүл мэндийн хэлтэс, Бүс нутгийн төлөвлөлтийн хэлтсийн төлөөлөгчид мөн тус газарт ажиллаж, бусад зөрчлүүдийг шалгасан байна.
Лос Анжелес мужийн Амьтан халамжийн газар болон хяналтын газрын захирал Марсиа Майеда олон нийтийг аврагдсан амьтдыг дэмжихийг уриалж, LA County Animal Care Foundation-д хандив өгөхийг хүссэн байна. Тус байгууллага нь өмнө нь ч том хэмжээний амьтан хамгааллын ажиллагааг амжилттай зохион байгуулж байсан туршлагатай аж.
