АНУ-ын баруун өмнөд хэсэгт агаарын хэм дээд хэмжээнд хүрч, халалт эрчимжсэний улмаас ган зуд болох эрсдэл нэмэгдэж байна.
Калифорни, Аризона мужууд дахин хэт халуун агаарын хэмний анхааруулгад хамрагджээ. Хаврын улирал эхлээд удаагүй байхад Небраска мужийн хойд хэсэг хүртэл зуны мэт халуун агаар нэмэгдсэн байна. Аравдугаар сар, тавдугаар сар, зургаадугаар сард АНУ-ын ихэнх нутагт хэвийн хэмжээнээс халуун байх төлөвтэй байна гэж шинжээчид үзжээ.
Аризонагийн зарим иргэд хэт халалтаас болж аяллаа эрт дуусгахад хүрчээ. Тухайлбал, Марш хос хоёр долоо хоногийн турш Аризонагийн хилээс эхлэн 170 бээр (273 км) газар явган аялал хийгээд халуунаас болж буцах шийдвэр гаргасан байна. Тэд Аризонагийн замаар 800 гаруй бээр (1287 км) замыг туулах зорилготой байжээ. “Бид биеийнхээ хязгаарыг мэднэ. Биеийг хөргөх боломжгүй үед бид явган аялал хийж чадахгүй. Тэнд сүүдэр байхгүй, усны эх үүсвэрүүд ширгэж байна. Бид хүүхдүүддээ аюултай зүйл хийхгүй гэж амласан” гэж 63 настай Марш хэлсэн байна.
Аризонагийн Тусон хотод агаарын хэм 100 хэм (37.7 C) хүрнэ гэж Үндэсний цаг уурын албанаас мэдээлжээ. Аризонагийн баруун өмнөд хэсгийн цөлөрхөг бүс болох Юмагийн ойролцоох бүс нутагт агаарын хэм 105 хэм (40.5 C) хүрч, өчигдөр буюу гуравдугаар сард АНУ-д тэмдэглэгдсэн хамгийн өндөр халууны дээд амжилтыг 112 хэм (43.3 C) давсан байна. Өмнөд Калифорнийн хоёр газарт мөн л лхагва гарагт энэ хэмжээнд хүрчээ. Ихэвчлэн гуравдугаар сард биш тавдугаар сард ийм халуун байдаг аж.
Төв баруун бүс нутагт Небраска мужийн ихэнх хэсэгт 90 хэм (32.2 C) давсан хэмтэй байх бөгөөд ням гарагт 50-60 хэм (10-15 C) хүртэл буурах төлөвтэй байна. Түймэр гарах эрсдэлийг онцолсон “Улаан туг”-ийн анхааруулга гаргасан. Техасын зарим хэсэгт мөн л пүрэв гарагт 90 хэм (32.2 C) давсан байна.
Гуравдугаар сарын энэ хэт халалт нь хүний үүссэн цаг уурын өөрчлөлтгүйгээр бараг боломжгүй байсан гэж Дэлхийн цаг уурын харьцуулалтын судалгааны багийн тайланд дурджээ. Энэхүү олон улсын шинжээчдийн баг нь хэт цаг агаарын үзэгдлийн шалтгааныг судалдаг байна.
