Ноттингем Форест баг Премьер лигийн 2025/26 оны улирлын ээлжит тоглолтоо ням гарагт Тоттенхэм Хотспур цэнгэлдэх хүрээлэнд зочлон хийхээр учраа таарлаа.
Тоттенхэм баг 2026 он гарснаас хойшхи лигийн анхны ялалтаа байгуулахын төлөө талбайд гарч байна. Хүснэгтийн доод хэсэгт Ноттингем Форест баг Вест Хэмээс гоолын зөрүүгээр илүү байгаа бол Тоттенхэм тэдний өмнө ердөө нэг онооны давуутай бичигдэж байгаа нь энэ тоглолтыг хоёр багийн хувьд туйлын чухал болгож байна.
Тоттенхэмийн гарааны бүрэлдэхүүн: Гульельмо Викарио, Кевин Дансо, Ричарлисон, Матис Тел, Арчи Грэй, Кристиан Ромеро, Доминик Соланке, Педро Поро, Жед Спенс, Папе Матар Сарр, Микки ван де Вен. Нөөц тоглогчид: Антонин Кински, Раду Драгусин, Жоао Палинья, Ксави Симонс, Дестини Удоги, Лукас Бергвалл, Конор Галлахер, Соуза, Рандал Коло Муани.
Ноттингем Форестын гарааны бүрэлдэхүүн: Мац Селс, Неко Уильямс, Мурилло, Ибрахим Сангаре, Каллум Хадсон-Одой, Эллиот Андерсон, Морган Гиббс-Уайт, Игорь Исус, Омари Хатчинсон, Никола Миленкович, Ола Айна. Нөөц тоглогчид: Стефан Ортега, Морато, Тайво Авонийи, Николас Домингес, Райан Йейтс, Жеймс Макати, Мац Селс, Дилан Баква, Лука Нетц.
Тоглолт ням гарагт 14:15 цагт (Улаанбаатарын цагаар 22:15 цагт) эхэлнэ.
Тоттенхэм Премьер лигийн сүүлийн гурван учраадаа Ноттингем Форест багт дараалан хожигдоод байгаа бол үүнээс өмнө тэднийг зургаан тоглолт дараалан хожиж байсан түүхтэй. Нөгөө талд Ноттингем Форест өнгөрсөн улиралд зочин талбайд Тоттенхэмийг 2:1-ээр хожсон амжилтаа давтахыг эрмэлзэж байна. Тэд лигийн сүүлийн долоон тоглолтод хожил авч чадаагүй (4 тэнцээ, 3 хожигдол) яваа бөгөөд энэ улиралд 14 тоглолтод гоол оруулж чадаагүй нь довтолгооны шугамдаа анхаарал хандуулах шаардлагатайг илтгэж байна.
