К-поп ертөнцийн хүчирхэг төлөөлөл P1Harmony хамтлаг АНУ-ын хөгжмийн хамгийн нэр хүндтэй Billboard 200 чартад түүхэн амжилт тогтоов. Тэдний шинээр гаргасан “UNIQUE” мини цомог тус чартын шилдэг 10-т багтаад зогсохгүй, дөрөвдүгээр байрт шууд орж ирсэн нь хамтлагийн түүхэн дэх хамгийн өндөр үзүүлэлт болж байна.
Энэхүү амжилт нь P1Harmony-гийн Billboard 200 чартад бүртгэгдсэн зургаа дахь бүтээл бөгөөд өмнөх “EX” цомог нь 9-р байрт бичигдэж байсан амжилтыг ийнхүү ахиуллаа. “UNIQUE” цомог нь тухайн долоо хоногийн хамгийн их борлуулалттай цомгийн жагсаалтад хоёрдугаар байрт бичигдсэн байна.
Тоон үзүүлэлтээс харахад, тус цомог нь нийт 58,000 нэгж борлуулалт авсны 56,000 нь уламжлалт биет борлуулалт байсан нь тус хамтлагийн АНУ дахь хамгийн өндөр борлуулалттай цомгоор тодорлоо. Үлдсэн 2,000 нэгж нь стриминг буюу онлайн сонсолтоос бүрдсэн бөгөөд долоо хоногийн турш 2.22 сая удаа тоглогдсон үзүүлэлттэй дүйж байгаа юм.
Солонгос хэл дээрх бүтээлээрээ Хойд Америкийн зах зээлд ийнхүү байр сууриа бататгаж байгаа нь P1Harmony-гийн олон улсын нэр хүнд, фэнүүдийн хүрээ хэрхэн тэлж байгааг илтгэж байна. Тэдний өвөрмөц хэмнэл, хүчирхэг гүйцэтгэл нь Billboard-ийн чартын оргил өөд тэмүүлэх гол хөшүүрэг болсоор байна.
