Английн Премьер лигийн “Манчестер Юнайтед” клуб Португалын шигшээ багийн довтлогч Жоао Феликсийг элсүүлэх ажиллагаагаа эрчимжүүлж эхэлсэн тухай Испанийн хэвлэлүүд мэдээллээ. Өдгөө 26 настай тэрээр энэ улиралд нийт 35 гоол болон гоолын дамжуулалт өгсөн гайхалтай үзүүлэлттэй байгаа нь “Улаан чөтгөрүүд”-ийн анхаарлыг ихэд татаж байгаа юм.
Жоао Феликс анх Португалын “Бенфика” клубт тоглож байхдаа Европын томоохон багуудын хараанд өртөж, улмаар 2019 онд Испанийн “Атлетико Мадрид” клуб түүнийг асар өндөр үнээр худалдан авч байсан түүхтэй. Сүүлийн жилүүдэд Саудын Арабын “Ал-Насср” клубт хүчин зүтгэж буй тэрээр өөрийн ур чадварыг дахин баталж, Европын хөлбөмбөгийн тавцанд эргэн ирэхэд бэлэн байгаагаа харуулсаар байна.
“Манчестер Юнайтед” багийн зүгээс довтолгооны шугамаа бэхжүүлэх зорилгоор 52 сая фунт стерлинг орчим үнээр үнэлэгдэж буй Жоао Феликсийг ирэх солилцооны цонхоор багтаа авахыг эрмэлзэж байгаа аж. Хэрэв энэхүү гэнэтийн наймаа амжилттай болбол тэрээр “Олд Траффорд” цэнгэлдэх хүрээлэнд ирж, багийнхаа амжилтад шинэ эрч хүч нэмэх болно гэж хөгжөөн дэмжигчид хүлээж байна. Одоогоор хоёр клубын хооронд албан ёсны хэлэлцээр эхлэх шатандаа байгаа бөгөөд ойрын хугацаанд тодорхой шийдвэр гарах төлөвтэй байна.
