Холимог тулааны UFC холбооны хоёр жингийн аварга асан, ирланд эр Конор МакГрегор удаан хүлээлгэсэн эргэн ирэлтээ албан ёсоор баталгаажууллаа. Тэрээр өөрийн Instagram хуудсаараа дамжуулан UFC холбоотой шинэ гэрээний хэлэлцээгээ амжилттай дуусгаж, тулааны рингэнд эргэн гарахад бэлэн болсноо зарласан байна.
МакГрегор өөрийн өвөрмөц хэв маягаар “Мэдээлэл үнэн шүү! Өөртөө итгэх итгэлээр дүүрэн ноёнтон тулааныг аврахаар эргэн ирлээ. Би төрснөөсөө хойш бэлэн байна. Миний цохилтын дуу ногоон лазер шиг сонсогдоно, гайхамшгийг үзээрэй” хэмээн бичиж, шүтэн бишрэгчдээ догдлуулаад байна. Тэрээр ийнхүү мэдэгдэхдээ алдарт “Казино” киноны дүрийг бага зэрэг дуурайж, өөрийгөө хамгийн өндөр үнэлгээтэй тамирчин хэвээр байгаагаа сануулжээ.
Эх сурвалжуудын мэдээлж буйгаар, түүний эргэн ирэлтийн тулаан ирэх долдугаар сарын 11-нд Лас Вегас хотын “T-Mobile Arena”-д болох “UFC 329” өдөрлөгийн үеэр зохион байгуулагдах магадлал өндөр байна. Энэхүү хугацаа нь Невада мужийн Спортын комиссоос баталсан “Олон улсын тулааны долоо хоног”-той давхцаж байгаа юм. Хэдийгээр МакГрегор өмнө нь зургадугаар сард тулалдах хүсэлтэй байсан ч зохион байгуулалтын зардал болон ашгийн тооцооноос шалтгаалан ийнхүү долдугаар сард товлогдох шинжтэй байна.
Конор МакГрегор хамгийн сүүлд 2021 онд Дастин П Poirier-тэй тулалдахдаа хөлөө хугалж, хүнд бэртэл авснаас хойш рингэнд гараагүй байгаа билээ. UFC-ийн түүхэн дэх хамгийн их орлого олдог тамирчны хувьд түүний энэхүү эргэн ирэлт нь тасалбар борлуулалт, сурталчилгаа болон стрийминг үйлчилгээний орлогыг шинэ түвшинд гаргах хүлээлттэй байна. Тулааны ертөнцийн “Мак Дадди” ийнхүү эргэн ирснээр UFC-ийн энэ жилийн хуанлид хамгийн том тэсрэлт болох нь тодорхой болоод байна.
