Бээжингийн Элчин сайдын яам Хэрлэн Тохой газар тосны блокийн бааз руу халдсан явдлын дараа ажилтнуудынхаа аюулгүй байдлыг чангаруулахыг шаардлаа.
Монголын иргэд Хятадын хөрөнгө оруулалттай газар тосны хайгуулын компанийн баазад “заналхийлж, саад учруулсан” гэх асуудлаар Хятадын Элчин сайдын яамнаас зовниж буйгаа илэрхийлсний дараа Монголын өндөр албан тушаалтан хүлцэл өчжээ.
Монголын хэвлэлүүдийн мэдээлснээр, өнгөрсөн баасан гарагт эсэргүүцэгчид “Монголиа Фойсон Энержи” компанийн хайгуулын ажлыг зогсоохоор “Хэрлэн Тохой XXVIII” газар тосны хайгуулын талбайд очсон байна.
Тэд уг үйл явдлыг шууд дамжуулсан бөгөөд нийгмийн сүлжээнд тархсан бичлэгээс харахад хоёр эмэгтэй Хятад ажилчдын эд зүйлсийг газар руу чулуудаж байжээ.
Орон нутгийн эрх баригчдын мэдээлснээр, уг хэрэгт холбогдсон Монгол Улсын хоёр иргэнийг саатуулаад байгаа юм байна.
Хятадын Элчин сайдын яамнаас мэдээлснээр, БНХАУ-аас Монгол Улсад суугаа Хэргийг түр түр үйлчлэгч Цао Ли мягмар гарагт Монгол Улсын Аж үйлдвэр, эрдэс баялгийн яамны Төрийн нарийн бичгийн дарга Б.Дашпүрэвтэй уулзах үеэрээ уг хэрэгт “гүнээ зовниж буйгаа” илэрхийлжээ.
“Хятадын ажхуйн нэгжүүдийн хуль ёсны эрх ашиг, мөн Хятад ажилтнуудын амь нас, эд хөрөнгийн аюулгүй байдлыг хамгаалах, ийм явдал дахин гарахаас урьдчилан сэргийлэх чиглэлээр тодорхой арга хэмжээ үргэлжлүүлэн авахыг Монголын талаас шаардаж байна” гэж Элчин сайдын яамнаас мэдэгдсэн байна.
Элчин сайдын яамны мэдээлснээр, Б.Дашпүрэв уг явдалд хүлцэл өчөөд, Хятадын компаниудын хууль ёсны үйл ажиллагаанд саад учруулахыг Монгол Улс өгшүүлэхгүй гэж мэдэгджээ.
Б.Дашпүрэв ийм үйлдэл нь Монгол Улсын үндэсний эрх ашиг, эдийн засгийн аюулгүй байдалд хохирол учруулж байна гэж тодорхойлоод, цагдаагийн байгууллагаас мөрдөн шалгах ажиллагаа эхлүүлж, холбогдох хүмүүсийг саатуулсан болохыг нэмж хэлсэн байна.
Эх сурвалж: South China Morning post
