Тус улс эрчим хүчний стратегийн бие даасан байдлыг хангах хүрээнд өндөр хүчин чадалтай цахилгаан станцуудад зориулсан шинэ технологийн туршилтыг амжилттай хийж байна.
ОХУ-ын Росатом корпораци цөмийн, дулааны болон усан цахилгаан станцуудад ашиглах генераторын таслуурыг бүтээн туршиж байна. Энэхүү тоног төхөөрөмжийг сүүлийн 100 орчим жилийн хугацаанд дэлхийд ердөө хоёрхон компани үйлдвэрлэж ирсэн Siemens болон ABB компаниудын ноёрхлыг зогсоох зорилгоор хөгжүүлж байгаа юм.
Уг таслуур нь цахилгаан станцын генератор болон хүчдэл өсгөх трансформаторын хооронд суурилагддаг бөгөөд хэдэн арван мянган ампер гүйдлийг тасралтгүй дамжуулахын зэрэгцээ хэт өндөр дулаан болон электродинамик ачааллыг тэсвэрлэх чадвартай байх ёстой. Шинэ төхөөрөмж нь ойролцоогоор 800,000 өрхийг цахилгаанаар хангах хүчин чадалтай юм.
ОХУ-д өмнө нь энэ төрлийн тоног төхөөрөмж хөгжүүлж, туршиж байгаагүй тул мэргэжилтнүүд шаардлагатай туршилтын талбайг бүхэлд нь шинээр байгуулахад хүрчээ. Одоогийн байдлаар төслийн эцсийн шатны туршилт үлдээд байгаа бөгөөд прототип нь хэт өндөр гүйдлийг тэсвэрлэж, богино залгааны үед генератор болон үндсэн трансформаторыг гэмтлээс хамгаалах чадвараа нотлох шаардлагатай байна.
Энэхүү технологи нь ОХУ-ын эрчим хүчний салбарт стратегийн чухал ач холбогдолтой юм. Ингэснээр одоо ажиллаж буй болон шинээр баригдах эрчим хүчний блокуудын гадны технологиос хамаарах хамаарлыг бүрэн халж, дотоодын үйлдвэрлэлийг хөгжүүлэх боломж бүрдэж байна.
Дэлгэрэнгүйг эх сурвалжаас харах
↓Эх сурвалжийг нээх ↓
The equipment is being developed for high-capacity nuclear, thermal and hydro power plants and has been produced for just two companies in the world for nearly 100 years.
The breaker could fill a strategic gap for existing and new Russian power units, breaking reliance on foreign technological solutions.
