Женнифер Лоуренс уран бүтээлд өөрийн сонирхолтой санаа, бодлоо хуваалцлаа.
34 настай Лоуренс “Талибан”-ыг онцолсон “Bread and Roses” баримтат киног продюсерлэжээ. Гэвч уг бүтээл нь түүний гэр бүлийн зүгээс тийм ч таатай үнэлгээ аваагүй байна.
Энэ Баасан гарагт Apple TV+ дээр цацагдах “Bread and Roses” баримтат кино нь Талибаны харгислал болон түүний Афган эмэгтэйчүүдэд үзүүлж буй нөлөөг онцолжээ.
Найруулагч Сахра Мани CBS Morning нэвтрүүлэгт өгсөн ярилцлагадаа, Талибан 2021 онд Кабулыг эзэлснээс хойш Афган эмэгтэйчүүд ажил эрхлэх, боловсрол эзэмших, бүр ганцаараа чөлөөтэй явах эрхийнхээ төлөө тэмцэж байгаа тухай хэлсэн байна.
Женнифер Лоуренс энэхүү баримтат кинонд оролцсон шийдвэрийнхээ талаар ярихдаа:
“Талибан Кабулыг эзэлж байх үеийг хараад хамгийн түрүүнд хийсэн зүйл маань тэдний хүсээгүйг хийх байсан – бодит нөхцөл байдлыг газар дээрээс нь, цаг алдалгүй баримтжуулах боломжийг хүмүүст олгох байлаа” хэмээн тайлбарлажээ. Тэрээр цааш нь “Такси барьж чадахгүй байх, эсвэл хөгжим сонсох эрхгүй байх талаар төсөөлж ч чадахгүй. Миний дуу хоолой хууль бус гэж үзэгдэх талаар төсөөлөхөд ч аймшигтай” гэж нэмж хэлсэн байна.
Оскарын шагналт жүжигчин “гэр бүл, найз нөхөд маань намайг [кино бүтээхээс] татгалзахыг ятгаж байсан” тухайгаа хуваалцжээ.
“Энэ бол аюултай. Мэдээж аюултай” гэж тэр хэлээд, “Гэхдээ 20 сая эмэгтэйн амь нас аюулд байгааг мартаж болохгүй” гэж онцолсон юм.
“No Hard Feelings” киноны од Талибаны талаар хүнд сэдэвтэй энэ баримтат кино дээр ажиллахад хангалттай боловсролгүй гэж үзэх субъектив шүүмжлэлтэй мөн тулгарчээ.
“[Интернетэд] үргэлж янз бүрийн зүйл хэлдэг. Би 60 Minutes нэвтрүүлэгт дунд сургуулиа орхисон гэдгээ хүлээн зөвшөөрсөн тул намайг албан ёсоор боловсролгүй гэж үздэг. Ийм сэдвээр ажиллах эрхгүй гэж боддог хүмүүсийн нийтлэг шүүмжлэл бол ‘Боловсролгүй хүн улс төрийн талаар яагаад ярьж байна вэ?’ гэсэн зүйл. Харин би үүнд ‘Энэ бол улс төрийн асуудал биш, харин хүмүүсийн амьдрал’ гэж хариулмаар байна” хэмээн тайлбарлажээ.
Тэрээр үргэлжлүүлэн, “Энэ асуудал улс төртэй холбоотой гэхдээ хүмүүсийн төлөөлөгчидтэй харилцаж, засгийн газраа илүү хариуцлагатай болгоход оролцох ёстой. Тэгээд НҮБ хүйсийн апартеидийг хүлээн зөвшөөрч чадна. Гэхдээ би үүнийг улс төрийн гэж үзэхгүй. Бас би кино бүтээх, түүх өгүүлэх талаар боловсролтой хүн” хэмээн ярьжээ.
