Финикс Санс баг тогтворгүй байдал, багийн дотоод уур амьсгалаас шалтгаалсан улирлын гүйцэтгэлээ сайжруулах зорилгоор гарааны бүрэлдэхүүндээ томоохон өөрчлөлт хийхээр болжээ.
NBA-ийн дотоод эх сурвалж Крис Хэйнесийн мэдээлснээр, дөрвөн дараалсан ялагдал хүлээж, 15-18 амжилттай яваа тус баг Брэдли Бийл болон төвийн тоглогч Юсуф Нуркичийг сэлгээнд гаргахаар төлөвлөж байна.
Sources: In midst of 4-game losing streak and tension in locker room, Phoenix expected to make drastic change by removing Bradley Beal, Jusuf Nurkic from starting lineup beginning Monday at Philadelphia. #haynesbriefs pic.twitter.com/utz0FNLppB
— Chris Haynes (@ChrisBHaynes) January 6, 2025
Баг одоогоор Баруун бүсийн 12-р байрт бичигдэж байгаа бөгөөд даваа гарагийн шөнө Филадельфиа 76 багтай хийх тоглолтоос эхлэн гарааны тавд шинэхэн тоглогч Райан Данн болон туршлагатай тоглогч Мэйсон Пламли нарыг оруулахаар болжээ.
Sources: Rookie Ryan Dunn and Mason Plumlee expected to replace Bradley Beal and Jusuf Nurkić in the Phoenix Suns starting lineup. pic.twitter.com/ody525bQsg
— Chris Haynes (@ChrisBHaynes) January 6, 2025
Бийл тоглолт бүрт дунджаар 33.3 минут тоглож, 17.8 оноо, 3.7 самбар, 3.1 оновчтой дамжуулалт өгч байгаа нь багт чухал хувь нэмэр оруулж байгаа ч Финикс Санс хожлын тогтмол хэмнэлийг олоход хүндрэлтэй хэвээр байна. Харин Нуркич дунджаар 24.3 минут тоглож, 8.8 оноо, 9.5 самбар авч байгаа ч багт шаардлагатай тогтвортой байдлыг хангаж чадаагүй.
Мэйсон Пламли дунджаар 17.6 минут тоглохдоо 4.3 оноо, 6.1 самбар авч байгаа бол Райан Данн 19.2 минут тоглож, 6.5 оноо, 2.9 самбарын үзүүлэлттэй байгаа бөгөөд эдгээр тоглогчид багийн амжилтыг сэргээхээр хариуцлагатай үүрэг хүлээж байна.
Бийл, Нуркич нарыг сэлгээнд гаргах шийдвэр нь тэдний талаарх наймааны цуу яриануудыг улам дэвэргэжээ. Кевин Дурант, Девин Бүүкэр нарын хамт Санс багийн “BIG 3”-т багтаж байсан Бийл, Нуркич нарыг шилжүүлэн наймаалж, багийн бүрэлдэхүүнийг сайжруулах талаар Финикс Санс бодолцож байгаа гэх мэдээлэл цацагдаад байна.
Сүүлийн 10 тоглолтод 3 хожиж, 7 хожигдсон амжилт үзүүлсэн Финикс Санс багийн бүрэлдэхүүний өөрчлөлт нь багийн уур амьсгал хүнд байгааг илэрхийлж байгаа бөгөөд шинэ гарааны бүрэлдэхүүн нь плей-оффт хүрэх зорилтыг сэргээх тогтвортой байдал, амжилтыг авчирна гэж найдаж байна.
talkbasket.net
