Челсигийн хамгаалагч Ренату Вейга улирлын төгсгөл хүртэл Ювентуст зээлээр тоглохоор шилжлээ.
Вейга өнгөрсөн долдугаар сард Челсигийн багт Базелийн багийн бүрэлдэхүүнээс 11.7 сая фунт стерлингийн үнээр долоон жилийн гэрээгээр нэгдсэн ч энэ улиралд Премьер лигийн ердөө нэг тоглолтод гараанд гарчээ.
21 настай олон талт тоглогч өнгөрсөн аравдугаар сард Португалын шигшээ багт Польшийн эсрэг Үндэстнүүдийн Лигийн тоглолтод анхны гараагаа хийж, түүнээс хойш хоёр олон улсын тоглолтод оролцжээ.
Looks really good on you, Renato! 🤩🤍🖤 pic.twitter.com/OdivCzYlnf
— JuventusFC 🇬🇧🇺🇸 (@juventusfcen) January 28, 2025
Вейга одоогоор Серие А-гийн хүснэгтийн тавдугаар байрт бичигдэж буй, дөрөвдүгээр байрт яваа Лациогоос хоёр онооны зөрүүтэй, харин тэргүүлэгч Наполиг 16 оноогоор хоцорч буй Ювентус багт нэгдэж байна.
Вейга Ювентуст илүү их боломжийг хүлээж байгаа бөгөөд баг нь хамгаалалтын тоглогчдын гэмтлийн асуудалтай нүүр тулгараад байна. Глейсон Бремер, Хуан Кабал нар өвдөгний урд холбоосны гэмтэлтэй байгаа бол Даниоло даваа гарагт харилцан зөвшилцсөний үндсэн дээр багийг орхижээ.
Челсигийн дасгалжуулагч Энзо Мареска өнгөрсөн долоо хоногт Вейгаг багтаа үлдэхийг уриалж, “Хэрэв тоглогч зөвхөн нэг л байрлалд тоглохыг хүсэж байвал хэцүү байдалтай тулгарна” гэжээ.
101greatgoals.com
