Paramount+ албан ёсоор Tulsa King цувралын 3-р улирлын бүрэлдэхүүнд хоёр шинэ жүжигчнийг нэмж, Сильвестер Сталлонегийн гол дүрд нь тоглодог алдартай гэмт хэргийн драмын шинэ бүлгийн бэлтгэл ажлыг эхлүүллээ. Шинэ улирлын зураг авалт 2-р улирал 10 ангиар өндөрлөснөөс хойш дөрвөн сарын дараа эхэлж байна.
“Tulsa King” 3-р улирлын жүжигчдийн бүрэлдэхүүнд хэн нэмэгдэв?
Роберт Патрик (Terminator 2: Judgement Day, 1923) болон Бо Напп (SEAL Team, Road House) нар тус цувралын 3-р улиралд гол дүрүүдийн нэг болж нэгдэхээр болжээ.
- Роберт Патрик – Жеремая Данмайр хэмээх дүрийг бүтээнэ. Тэрээр “архи согтууруулах ундааны бизнест хүчирхэг, асар их хөрөнгөтэй эр” байх аж.
- Бо Напп – Жеремаягийн хүү Коул Данмайр гэх дүрийг бүтээх бөгөөд “галзуу мэт харцтай, өв залгамжлагч фермерийн залуу” гэж дүрсэлжээ.
Tulsa King цувралыг Тэйлор Шеридан бүтээж, гүйцэтгэх продюсерээр ажилладаг. 3-р улиралд Mayor of Kingstown цувралын гүйцэтгэх продюсер Дэйв Эриксон шинэ шоураннераар томилогджээ. Гол дүрүүдэд Андреа Савэйж, Макс Казелла, Мартин Старр, Доминик Ломбардоцци, Винсент Пиазза, Жэй Уилл, Гаррет Хедлунд, Аннабелла Скиорра, Дана Делани нар тоглох юм. Мөн Сильвестер Сталлоне, Дэвид С. Глэссер, Рон Буркл, Боб Яри, Дэвид Хаткин, Брейден Афтергүүд, Жим МакКэй, Шери Элвүүд, Илди Модрович, Кит Кокс нар гүйцэтгэх продюсероор ажиллаж байна.
“Tulsa King” цувралын үйл явдал
Цуврал нь Нью-Йоркийн мафийн капо Дуайт “Генерал” Манфредиг 25 жилийн ял эдлээд суллагдсаны дараах амьдралынх нь талаар өгүүлнэ. Тэрээр өөрийн боссын тушаалаар Оклахома мужийн Тулса хотод шинэ суурьшил үүсгэхээр илгээгдэнэ. Гэвч удалгүй мафийн гэр бүл нь өөрийг нь бодож буйд эргэлзсэн Манфреди санаанд оромгүй хүмүүсээс бүрдсэн шинэ баг бүрдүүлж, өөрийн гэмт хэргийн эзэнт гүрнийг босгохоор шийднэ. Түүний хувьд Тулса өөр гаригтай адил санагдаж байсан ч удалгүй бүхнийг гартаа авахыг хичээнэ.
comingsoon.net
