Майкл Шин болон Ева Лонгориа нар гэр бүлийн инээдмийн шинэ бүтээл “The 12 Days of Christmas” кинонд хамтран тоглохоор боллоо.
Keal Productions болон Fulwell Entertainment-ийн хамтарсан энэхүү киноны найруулагчаар BAFTA-д нэр дэвшигч Бен Грегор (“The Magic Faraway Tree,” “Black Ops”) ажиллаж байгаа бол зохиолч Тад Сафраны бичсэн зохиол нь Жэймс Паттерсон, Сафран нарын хамтран бичсэн бестселлер ном “The 12 Topsy-Turvy Very Messy Days of Christmas”-т үндэслэжээ.
Каннын кино наадамд Protagonist Pictures уг бүтээлийн борлуулалтыг албан ёсоор эхлүүлж байна.
Киноны үйл явдал “Зул сарын 12 өдөр” нэртэй алдартай дуунаас сэдэвлэгдсэн бөгөөд ар гэрийнх нь уур амьсгал асуудалтай, тав дахь жилдээ зул сараа тэмдэглэхээ больсон Салливанийн гэр бүлийн тухай өгүүлнэ. Гэвч энэ жилийн хувьд бүх зүйл өөрчлөгдөж эхэлнэ, учир нь үл мэдэгдэх нэгэн тэдэнд өдөр бүр хачирхалтай бэлэг илгээж эхэлдэг.
Анх өдөр нь лийрийн модон дээрх нэг хэрэм өгч, дараагийн өдөр хоёр тагтаа, гурав дахь өдөр гурав хонх дуудагч шувуу гэх мэтээр айл гэр нь амьтад, танихгүй зочдоор дүүрдэг. Бэлэг болгон алдарт зул сарын дууны агуулгатай холбоотой байх бөгөөд гэр бүл энэ бүхэн хэнээс ирж байгааг олж мэдэхийг хичээнэ. Үүний зэрэгцээ Амьтан хамгаалах газрын ажилтан Мариана (Ева Лонгориа) тэдний араас мөрдөж эхэлнэ. Синопсисд “Энэ зул сар эмх замбараагүй байж болох ч, магадгүй энэ л тэдэнд хэрэгтэй бэлэг байж мэднэ” хэмээн бичжээ.
Номын хамтран зохиолч Жэймс Паттерсон хэлэхдээ:
“The 12 Topsy-Turvy Very Messy Days of Christmas зохиолоо Тад Сафрантай хамт бичих нь үнэхээр хөгжилтэй байсан. Майкл Шин, Ева Лонгориа хоёр гол дүрийг бүтээж байгаад бид маш их баяртай байна. Найруулагч Бен Грегорын хувьд ч мөн адил.”
Бен Грегор нэмж хэлэхдээ:
“Тадын бичсэн энэ зохиол хөнгөн, хөгжилтэй, сэтгэл хөдөлгөм. Майкл болон Ева хоёрын чадварлаг тоглолттойгоор зураг авалт хийхийг тэсэн ядан хүлээж байна. Зохиол нь зул сарын үеэрх эмх замбараагүй, дулаахан аялал бөгөөд энэ кино нь түүнийг үзэхэд ч, хийхэд ч баясгалантай байх болно.”
Киноны продюсероор Heather Greenwood (After The Screaming Stops) Keal Productions-ийн төлөөлөл болж, Leo Pearlman (Cinderella) Fulwell Entertainment-ийг төлөөлөн ажиллаж байгаа бол гүйцэтгэх продюсероор Жэймс Паттерсон, Питер Сафран (Aquaman), мөн James Patterson Entertainment-ийн төлөөлөл Билл Робинсон, Патрик Санта нар ажиллана. Protagonist Pictures-ийг төлөөлөн Дэйв Бишоп, Жорж Хамилтон, Жэймс Паг нар оролцжээ. Төслийг Sky хөгжүүлжээ.
Protagonist-ийн гүйцэтгэх захирал Дэйв Бишоп:
“Энэ бол цэвэр баярын баяр баясгалан, сэтгэл хөдлөл, хошигнол, бага зэргийн замбараагүй байдал. Зул сарын ид шид гэдэг яг энэ эмх замбараагүйд л оршдог. Жэймс Паттерсон, Тад Сафраны гайхалтай номыг дэлгэцэнд хүргэх нь бидний хувьд нэр төрийн хэрэг. Бен Грегорын чадварлаг найруулга, Майклын уур амьсгалтай хошин тоглолт, Евагийн хурц ухаалаг дүр төрх, энэ бүхнээр уг бүтээл амилна” гэжээ.
Харин продюсерууд Гринвүүд, Пёрлман нар хамтарсан мэдэгдэлдээ:
“Fulwell болон Keal Productions нь хамгийн шилдэг уран бүтээлчид, оюуны өмч дээр тулгуурлан үзэгчдийг татах, дахин давтагдашгүй кино, телевизийн контент бүтээдэг. Энэ номыг дэлгэцэнд амилуулж, үзэгчдэд ид шид, инээд, эмх замбараагүй бүхнийг багтаасан зул сарын мэндийг хүргэх нь бидний хувьд баяртай үйл явдал юм.”
Киноны арын багт шагналт бүжиг дэглээч Адам Мюррей (Rocketman, Cruella, The King’s Man), мөн алдарт Bridgerton, Fleabag зэрэг бүтээл дээр ажилласан кастинг найруулагч Келли Валентайн Хендри орсон байна.
Майкл Шиныг CAA, LINK Entertainment, Roxane Vacca Management (Их Британи), Schreck Rose Dapello Adams Berlin & Dunham төлөөлдөг бол Ева Лонгориаг WME, Linden Entertainment, болон Yorn, Levine, Barnes, Krintzman, Rubenstein, Kohner, Endlich, Goodell & Gellman агентууд төлөөлдөг. Жэймс Паттерсонг CAA, Bob Barnett (Williams & Connolly), Питер Гроссман (Lichter Grossman) төлөөлж байна. Харин найруулагч Грегорыг АНУ-д WME, Их Британид Curtis Brown Group төлөөлдөг.
variety.com
