ПСЖ-д хожигдож, Аваргуудын лигээс хасагдсаны дараа Микель Артета хэвлэлийн өмнө өөрийгөө хамгаалсан тайлбар, үнэмшил багатай үгсээр дүүрэн байсан ч, бага зэрэг өөрийгөө шүүмжлэх, даруу хандах нь илүү зөв хандлага байх байсан биз.
Энэ нь зөвхөн багаа эрүүлээр үнэлэх, асуудлаа шийдэх төдийгүй, түрүү байрт ойрхон байсан ч үргэлж дутаж буй улирлуудад бухимдсан хөгжөөн дэмжигчидтэйгээ дахин холбогдох нэг алхам байж болох юм.
Артетагийн “Арсенал ПСЖ-гээс 100 хувь илүү байсан” гэх мэдэгдэл төөрөгдүүлсэн төдийгүй “энэ тэмцээнд хамгийн шилдэг баг нь Арсенал” гэсэн нь бүр ч илүү гайхашрал төрүүлсэн.
“I don’t agree at all.” 🗣
Mikel Arteta and Luis Enrique had differing opinions on who was the better team over the tie… pic.twitter.com/8pNVLUXKS9
— BBC Sport (@BBCSport) May 8, 2025
ПСЖ-ийн дасгалжуулагч Луис Энрике энэ үнэлгээг үгүйсгэсэн бол Арсеналын хуучин дасгалжуулагч Арсен Венгер ч мөн санал нийлээгүй. Тэрээр beIN Sports-д шинжээчээр ажилласан юм.
Довтлогчийн асуудлыг нэгдүгээр сард л шийдэх ёстой байсан
Эцсийн дүндээ, илүү оновчтой бүрэлдэхүүн бүрдүүлж чадсан бол Арсенал ПСЖ-гээс давж, Аваргуудын лигийн анхны цомдоо дөхөх боломжтой байлаа. Гэсэн ч Артетагийн чухал үүрэгтэй оролцоотой солилцооны цонх тэдний сул тал болж хувирсан.
Нэгдүгээр сард Габриэл Жесус урд холбоосын гэмтэл авсан ч Арсенал Кай Хавертцыг гол довтлогчоор үлдээх шийдвэр гаргасан. Гэвч Хавертц бол цэвэр довтлогч биш бөгөөд гүн байрлалд илүү тухтай тоглодог тоглогч юм.
Удалгүй, Хавертц ч өөрөө хүнд гэмтэл авч улирлын ихэнх хэсгийг өнжсөн.
Тэр үед Арсенал Премьер лигт Ливерпүүлтэй өрсөлдөж, Европын тэмцээнд ч сайн явж байсан. Гэсэн ч эцэст нь Ливерпүүл цомыг төвөггүй авсан, Арсенал Аваргуудын лигээс хасагдсан, одоо лигийн тавдугаар байрын төлөө бусад багуудтай өрсөлдөж байна.
Хэдийгээр “Астон Виллаг”-ийн Оли Уоткинст хожуу санал тавьсан ч бүтэх магадлал багатай байсан. Тухайн үед Арсенал бүтэн цагаар ажиллах спортын захиралгүй байсан нь идэвхгүй байдалд нөлөөлсөн байж мэднэ. Эду 11-р сард явсан, харин Андреа Берта 3-р сард ирсэн. Гэхдээ өнөөгийн хөлбөмбөгийн ертөнцөд олон гүйцэтгэх захирал, өргөн хүрээний скаутын баг ажилладаг учир энэ нь хангалттай шалтаг биш.
Артетагийн “ялалт” гэх ойлголт аль эрт эхэлсэн
Артетагийн хэт өөдрөг дүгнэлт зөвхөн тоглолтын дараа ч биш, тоглолтын өмнөхөн ч илэрч байсан. ПСЖ-гийн талбайд тоглохын өмнө тэр баг нь сүүлийн хоёр улирал дараалан Премьер лигт түрүүлэхэд хангалттай оноо авсан ч, аз дутсан хэмээн мэдэгдсэн.
Тэр хэлэхдээ:
“Цом авах гэдэг бол зөв цагт, зөв газар байх тухай. Ливерпүүл манай сүүлийн хоёр улирлын онооноос бага оноотой байж л түрүүлсэн. Бидний оноогоор хоёр ч Премьер лигийн цом авах боломжтой байсан” хэмээсэн. Хэдийгээр хошигнол шингэсэн байж болох ч баримт үүнийг нь баталж буй.
Мэдээж Арсенал Артетагийн удирдлага дор асар их ахиц гаргасан. Тэр 2019 оны 12-р сард ирэх үед “Арсенал” лигийн 10-р байрт бичигдэж байсан.
Гэвч ийм ахиц дунд ганцхан цом — 2020 оны Английн цом — л авч чадсан нь амжилт хангалтгүй байгааг харуулна.
2025-26 оноос өмнө өөрчлөлт хийх зайлшгүй шаардлагатай
Энэ зун клуб, дасгалжуулагч хоёрын ирээдүйг тодорхойлох чухал үе.
Арсенал жинхэнэ гоол оруулж чадах довтлогч авах хэрэгтэй. Александер Исак, Бенжамин Шешко эсвэл Виктор Осимхен хэн байх нь хамаагүй, гэхдээ бөмбөгийг торны ард байнга оруулж чадах тоглогч л хэрэгтэй.
Одоогоор Артета ихэнх хөгжөөн дэмжигчдийн дэмжлэгийг хадгалсаар байгаа ч, энэ зун дахин чимээгүй өнгөрвөл энэ дэмжлэг ч төдийлөн удаан үргэлжлэхгүй.
Үүний зэрэгцээ, Артета бодит байдлыг хүлээн зөвшөөрч, өнгөрсөн алдаануудыг хүлээн зөвшөөрөх хэрэгтэй.
Зөвхөн ийм хандлага л “Арсенал”-ыг дараагийн түвшинд хүргэж чадна.
