Томоохон тоног төхөөрөмж үйлдвэрлэгчдийн дундаас Lenovo л цөөн хэдэн компанийн нэг болж, зөөврийн компьютеруудын дараагийн шинэ давалгаа нь илүү хүчирхэг процессор эсвэл RGB гэрлээр хязгаарлагдахгүй, харин нүдний шил шаарддаггүй 3D дэлгэц байх болно хэмээн итгэж байгаа бололтой.
Тус компанийн Legion 9i зөөврийн компьютер нь 3D эффекттэй 30 орчим тоглоомыг дэмжих боломжтой гэж танилцуулагдаж байгаа ч, өндөр татварын нөлөө бүхий үнэтэй үнэ шошго нь хэрэглэгчдэд хүрэх замд нь саад болж мэднэ.
Гэсэн ч үнийг түр орхиод бодоход, линтикул линзэнд суурилсан 3D технологи өнөөгийн тоглоомын ертөнцөд өөрийн байр сууриа олж чадна гэж чин сэтгэлээсээ найдаж байна.
Lenovo компанийн шинэ Legion 9i загвар нь жинхэнэ “бүхнийг шингээсэн” төрлийн зөөврийн компьютер бөгөөд ойролцоогоор 3.6 кг жинтэй энэхүү төхөөрөмж нь хүнд жингээс айдаггүй тоглогчид болон бүтээлч хэрэглэгчдэд зориулагджээ.
Энэхүү төхөөрөмжийн хамгийн онцлог зүйл нь 18 инчийн “PureSight” дэлгэц бөгөөд 2D горимд 4K нягтаршил, харин 3D горимд 2K (1920 x 1200) нягтаршлыг дэмждэг. Өмнө нь бидний туршиж үзсэн Samsung Odyssey 3D дэлгэц, Lenovo-ийн концепт 3D муруй мониторуудад адил, энэ дэлгэц нь линтикул линзний массивтай IPS LCD самбартай. Энэ нь дүрсийг гүн гүнзгий, гадаргуунаас “түрж гарч” буй мэт мэдрэмж төрүүлдэг.
Хэрэв та Nintendo 3DS-ийн 3D эффектийг туршиж байсан бол энэ дэлгэц ямар харагдах талаар багагүй төсөөлөлтэй болсон байх. Тэрчлэн 3DS төхөөрөмж 3D нөлөөг үзэхийн тулд яг зөв өнцгөөс харахыг шаарддаг байсан. Харин одоо нүд дагах камерын технологи хөгжсөнөөр тухайн дүрсийг тус бүр нэг нүд рүү чиглүүлэн илүү тогтвортой 3D туршлага бий болгож байна. Lenovo-ийн зүгээс энэхүү үйлдлийг Lenovo 3D Studio програм хангамжаар дамжуулан удирдах боломжтой гэжээ. Уг програм нь төрөл бүрийн видео, зураг болон стриминг формат дээр 3D үзэх боломжтойгоор бүтээгдсэн гэнэ.
Legion 9i дээр 3D эффектийг дэмжихээр баталгаажсан тоглоомуудын тоо 30 гэж Lenovo мэдээлсэн ч жагсаалт дээр 29 нэр байгаа бөгөөд нэг нь санаатай орхигдсон бололтой. Жишээ нь:
-
Cyberpunk 2077
-
Death Stranding
-
Black Myth: Wukong
-
Forza Horizon 5
-
Fallout 4
Эдгээр тоглоомуудын олонх нь стилизэм зураглалтай тул 3D эффект нь тоглоомын ертөнцийг улам гайхалтай болгож өгч байжээ. Гэхдээ анхны хүний өнцгөөс тоглодог тоглоомуудад энэ эффект хэрхэн мэдрэгдэх нь одоогоор тодорхойгүй. Жишээ нь, Cyberpunk-т гардаг кибер этгээдийн хутга дэлгэцнээс “түрж гарч” ирвэл хэрэглэгчийн хувьд эвгүй мэдрэмж төрүүлж ч мэднэ.
Дэлгэц нь 240Hz–440Hz хүртэл давтамж сольдог
Legion 9i дэлгэц нь хувьсах сэргээлтийн хурдаар (VRR) ажилладаг ба 4K нягтаршил дээр 240Hz, харин FHD (1080p) горим дээр 440Hz хүртэл хүрдэг байна. Энэхүү өндөр гүйцэтгэлийг дэмжихийн тулд зөөврийн компьютерт:
-
Intel Core i9 275HX CPU,
-
Nvidia GeForce RTX 5090 зөөврийн GPU,
-
192GB хүртэл RAM багтаахаар төлөвлөсөн.
Одоогоор албан ёсны үнэ зарлагдаагүй ч эдгээр үзүүлэлтээс харахад үнэ нэлээд өндөр байх төлөвтэй. Зарим шинжээчдийн үзэж байгаагаар, энэхүү загвар нь миний туршиж байсан хамгийн хүчирхэг, хамгийн үнэтэй зөөврийн компьютерын нэг болох MSI Titan 18 HX-аас ч давахаар байж болзошгүй. Гэхдээ Legion 9i нь RAM болон SSD нэмэлтүүдэд тус бүр дөрвөн оролттой, өргөтгөлд нээлттэй байхаар хийгдсэн нь давуу тал юм.
Энэхүү зөөврийн компьютерын бүрхүүл хүртэл өвөрмөц бөгөөд найман давхар нүүрстөрөгчийн ширхэгт ашиглан хийсэн камуфляж маягийн хээтэй.
Тус тоглоомын зөөврийн компьютер энэ оны намар хүртэл худалдаанд гарахгүй. Гэхдээ Хятадын зарим тоглогчид болон бүтээлч хэрэглэгчид хамгийн түрүүнд турших магадлалтай. Трампын татварын нөлөөгөөр ихэнх төхөөрөмжүүд болон бусад олон бүтээгдэхүүний үнэ нэмэгдээд байгаа учраас энэхүү бүтээгдэхүүнийг олон хүн худалдан авч чадна гэж найдах аргагүй болоод байна.
Нээлтийн үеэр 30 тоглоом санал болгож байгаа ч энэ нь 3D дэлгэцийг олон нийтэд түгээмэл болгоход хангалтгүй байж мэднэ. Бид Lenovo-оос Legion 9i нь Samsung-ийн Odyssey 3D дээр ашигладаг Reality Hub шиг гуравдагч талын 3D програм хангамжийг дэмжих эсэхийг асуухад, тус компани хариу өгөхөөс татгалзсан.
Ийм төрлийн концепт төхөөрөмжүүдийн өртөг цаг хугацаа өнгөрөх тусам улам нэмэгдэх нь тодорхой байна.
gizmodo.com
