Японы ispace: Саран дээр буух шинэ туршилт
Японы ispace компани энэ долоо хоногт Саран дээр буух түүхэн үйл явдлыг бүтээхээр бэлдэж байна. Тус компанийн “Resilience” хөлөг нь Сарны хойд хэсэгт орших “Хүйтний тэнгис” буюу Mare Frigoris дээр буухаар төлөвлөж байгаа бөгөөд энэ нь 6-р сарын 5-нд Улаанбаатарын цагаар үдээс хойш 3 цаг 24 минутад болох юм. Та уг үйл явдлыг ispace компанийн YouTube хуудсаар дамжуулан шууд үзэх боломжтой.
Хэрэв энэ буулт амжилттай болбол ispace болон Япон улсын хувьд маш том амжилт болох бөгөөд тус улс одоогоор зөвхөн нэг удаа сарны зөөлөн буулт хийж байсан. Энэ нь Японы сансрын агентлагийн SLIM хөлөг байсан бөгөөд өнгөрсөн жил амжилттай буулт хийсэн. Мөн энэ нь арилжааны сансрын нислэгийн салбарт томоохон ахиц дэвшил болно.
“Resilience” бол ispace компанийн хоёр дахь саран дээр буух хөлөг юм. Эхнийх нь сарны тойрог замд хүрсэн ч өнгөрсөн жилийн 4-р сард буухын тулд оролдлого хийж байгаад бүтэлгүйтсэн. Хэрэв “Resilience” энэ удаагийн буултаа амжилттай хийвэл, “Tenacious” хэмээх жижигхэн хөлгийг задлах бөгөөд сарны гадаргуу дээр шинжлэх ухааны судалгааны багажуудыг ажиллуулах юм.
“Resilience” нь энэ оны 1-р сарын 15-нд SpaceX компанийн “Falcon 9” пуужингаар хөөрсөн бөгөөд Firefly Aerospace компанийн “Blue Ghost” хөлөгтэй хамтран ниссэн. “Blue Ghost” нь 3-р сарын 2-нд амжилттай буулт хийжээ.
“Resilience” нь сар руу урт замыг туулсан. Энэ нь дэлхий орчимд богино хугацааны тойрог замд нисэж, сарны ойролцоох нислэг, гүн сансар орчинд болон сарны тойрог замд маневр хийж байсан. Эдгээр нь түлшний хэмнэлттэй траектори үүсгэхэд тусалсан юм.
“Resilience” 5-р сарын 6-нд сарны тойрог замд орсон бөгөөд 5-р сарын 28-нд өөрийн тойрог замыг хянах маневр хийж, 10 минутын турш хөдөлгүүрээ ашиглан сарны гадаргаас 100 км зайд тойрог замд орсон байна. ispace компанийн мэдэгдэлд дурдсанаар, тэдний инженерүүд томоохон түлшний шаталтын дараа хөлгийн замыг судалж байгаа бөгөөд шаардлагатай бол замыг нь засах оролдлого хийх аж.
Уг сансрын хөлөг буултаа хийхийн өмнө сарны гадаргууд ойртон, түүний олон нүх болон нарийн төвөгтэй гадаргууг харуулсан гайхалтай зургийг авчээ. “Resilience” нь цагт 5800 км орчим хурдтайгаар сарны тойрог замд эргэлдэж, хоёр цаг тутамд нэг тойрог хийж байна.
Эх сурвалж:
Private Japanese spacecraft aims to land in the moon’s ‘Sea of Cold’ this week
Tokyo-based company ispace aims to land its “Resilience” spacecraft in the moon’s Mare Frigoris (“Sea of Cold”) region on June 5, notching a big milestone for Japan and for commercial spaceflight.
