Килиан Мбаппе Парис Сен-Жермен баг Аваргуудын лигийн аварга болсонд нь баяр хүргэсэн ч, сэтгэл хөдлөл багатай хүлээж авснаа нуусангүй. Тэрээр өнгөрсөн зун Реал Мадридтай чөлөөт наймаагаар нэгдсэн бөгөөд хуучин баг нь Европын хамгийн нэр хүндтэй цомыг хүртэж байхад ямар ч гомдолгүй байгаагаа илэрхийлжээ.
“Би баярласан. Тэд үүнийг үнэхээр хүртэх байсан. Тэд олон бэрхшээл туулсан, би ч бас. Аваргуудын лигийн бүх шатанд оролцсон ч түрүүлж үзээгүй” хэмээн Мбаппе бямба гарагт сэтгүүлчдэд ярив.
“Тэд энэ жил Европын хамгийн сайн баг байлаа. Би өмнө нь PSG-г 5-0 харьцаатай тэргүүлж байхыг огт санахгүй байна. Энэ бол 100 хувь зохистой ялалт. Одоо тэд бол хүн бүрийн ялж үзэхийг хүсдэг баг болсон” гэж тэр нэмжээ.
2020 онд Байерн Мюнхенд ялагдаж байсан шигшээ тоглолтоос хойш PSG-ийн хүлээлт дуусаж, тус клуб олон жилийн томоохон хөрөнгө оруулалтынхаа үр дүнг ийнхүү анх удаа үзсэн юм.
Мбаппе PSG-д байх хугацаандаа багийн бүх цаг үеийн мэргэн бууч болсон ч, хожим нь цалингүй үлдсэн шалтгаанаар 55 сая еврогийн нөхөн төлбөр нэхэж шүүхэд хандсан. Гэсэн ч 26 настай довтлогч хуучин багийн хамтрагчдадаа ямар ч гомдолгүй байгаагаа онцолсон.
For the sixth time in the last year, Lamine Yamal got the better of Kylian Mbappé 😅 pic.twitter.com/p3jrwJLtD7
— B/R Football (@brfootball) June 6, 2025
“Тэд надгүйгээр түрүүлсэн. Энэ надад нөлөөлөхгүй. Харин ч сайн хэрэг. Карьерын туршид бид бүгд сорилтуудтай нүүр тулдаг” хэмээн Мбаппе хэлжээ.
“Одоо би олны анхаарлын төвд илүү орж байна. Энэ надад таалагддаг. Би үргэлж ийм байдалд байх дуртай. Одоо зүгээр л ажиллах л хэрэгтэй. Би өмнө нь олон зүйлд чиглэлийг нь өөрчилж чадсан. Нуруун дээрээ үүрсэн зүйл олон байсан ч бүгдийг нь давж гарсан.”
“Би дэндүү эрт явсан уу? Үгүй. Миний түүх дууссан байсан. Төгсгөлийг нь хүлээсэн. Ямар ч гомдол байгаагүй. Би аль хэдийнэ хязгаарт хүрсэн байсан.”
Тэрээр Реал Мадридын төлөө анхны улиралдаа бүх тэмцээнд нийлээд 43 гоол оруулсан ч баг нь цом хүртэж чадалгүй улирлыг өндөрлүүлсэн. Ла Лиг болон Копа дель Рейд Барселонад хожигдон хоёрдугаар байрт бичигдсэн бол Аваргуудын лигийн шөвгийн наймд Арсеналд хожигджээ.
Ballon d’Or хэнд очих ёстой талаар асуухад Мбаппе Барселонагийн өсөх од Ламине Ямалын оронд хуучин багийн хамтрагч Усман Дембелег нэрлэж дэмжсэн байна.
101greatgoals.com
