Антропик компанийн хиймэл оюуны хэрэглэх эрхийг шүүх зөвшөөрөв
Калифорнийн хойд дүүргийн шүүхийн шүүгч Уильям Альсап нь Антропик компанийн хиймэл оюун ухааны загваруудыг хууль ёсны дагуу худалдан авсан номоор сургасан үйл явцыг оюуны өмчийн зөрчилд тооцохгүй гэж үзжээ. Энэ нь хиймэл оюуны салбарын хувьд анхдагч шийдвэр болсон боловч зөвхөн Антропик компани хууль ёсны дагуу хэвлэмэл номыг худалдан авч цахим хэлбэрт оруулсан тохиолдолд хамааралтай байна.
Шүүгч Альсапын шийдвэрт Антропик компани интернетээс “сая сая” ном хуулбарласан асуудлаар тусдаа шүүх хурал зохион байгуулах шаардлагатай гэж үзсэн байна. Мөн энэ шийдвэр нь хиймэл оюун ухааны загваруудын гаргасан үр дүн оюуны өмч зөрчсөн эсэх талаар ямар нэгэн дүгнэлт гаргаагүй ажээ.
Энэхүү хэргийг зохиолчид Андреа Бартц, Чарльз Гребер, Кёрк Уоллес Жонсон нар Антропик компанийг өнгөрсөн жил оюуны өмчийг зөрчиж, хиймэл оюуны загваруудаа хууль бус материал дээр сургасан гэж шүүхэд өгсөн юм. Энэ нь ирээдүйд хиймэл оюуны оюуны өмчийн хэргүүдэд хэрхэн хандах талаар шүүхийн байр суурийг тодорхойлоход чухал ач холбогдолтой шийдвэр боллоо.
Шүүхийн шийдвэрт Антропик компани хэвлэмэл номыг худалдан авч, түүний хавтсыг салгаж, хуудсуудыг нь тасалж, төвлөрсөн цахим сан болгон сканерддаг үйл явцыг хөндөж, хууль ёсны дагуу худалдан авсан номыг цахим хэлбэрт оруулах нь оюуны өмч зөрчихгүй гэж үзжээ. Ингэж цахим хэлбэрт оруулсан номыг сургалтын их хэлний загвар (LLM) дээр ашиглах нь хангалттай өөрчлөлттэй байна гэж үзсэн байна.
Шүүгч Альсап “Зохиолчдын гомдол нь хүүхдүүдийг сайн бичиж сурахад тэдний бүтээлтэй өрсөлдөх шинэ бүтээл үүсэхээс айж буйтай адил” гэж тэмдэглээд, Оюуны өмчийн тухай хууль нь зохиогчийн бүтээлийг хамгаалахаас илүү шинэ бүтээлүүдийг дэмжих зорилготой гэжээ.
Гэсэн хэдий ч Антропик компанийн олон тооны хууль бус номыг төвлөрсөн санд хадгалж байсан нь оюуны өмчийн зөрчил гэж үзсэн байна. Шүүгч Альсап “Хууль ёсны дагуу худалдан авах боломжтой эх сурвалжаас хуулбарласан нь дараагийн оюуны өмчийн ашиглалтын үндэслэл болохгүй” гэж байр сууриа илэрхийлжээ.
Шүүх Антропик компаниас хуулбарласан хууль бус агуулгын талаар тусдаа шүүх хурал зохион байгуулж, хохирлын хэмжээг тогтоохоор болсон байна.
Антропик компанийн төлөөлөгч Женнифер Мартинез “Шүүхийн шийдвэр бидний хиймэл оюуны загваруудыг бүтээхэд ашигласан бүтээлүүдийг өөрчлөлттэй гэж хүлээн зөвшөөрсөн нь биднийг баярлуулж байна” хэмээн The Verge-д өгсөн мэдэгдэлдээ дурджээ. “Энэхүү алхам нь шинжлэх ухааны дэвшилт, бүтээлч байдлыг дэмжих оюуны өмчийн зорилготой нийцэж байна. Антропикын хиймэл оюуны загварууд нь шинэ, өөр зүйлийг бүтээхэд чиглэж байгаа юм.”
Эх сурвалж:
Anthropic wins a major fair use victory for AI – but it’s still in trouble for stealing books
A judge has sided with Anthropic in a copyright case that determined that the company training its AI models on purchased books is fair use.
