Жеймс Ганны “Superman” кино Израиль-Палестины мөргөлдөөнийг тусгасан уу?
Жеймс Ганны “Superman” киноны үйл явдал Израиль-Палестины мөргөлдөөнийг тусгасан эсэх талаар интернэтэд маргаан өрнөж байна. Кинонд Николас Хоултын дүрд тоглосон хорон санаат Лекс Лутор хоёр зохиомол улсын хооронд дайн үүсгэж, Супермэн Бовария хэмээх түрэмгийлэгч улсыг хөрш Жарханпур руу дайрахаас нь сэргийлж, дэлхийн мөргөлдөөнд оролцдог.
Кино театрт нээлтээ хийснээс хойш (дэлхий даяар 220 сая долларын орлого олсон) онлайн улс төрийн тайлбарлагчид Бовария-Жарханпурын мөргөлдөөнийг Израиль-Палестины мөргөлдөөнтэй холбон тайлбарлах эсвэл үгүйсгэх болсон. Зүүн жигүүрийн улс төрийн тайлбарлагч, Twitch стример Хасан Пайкер “Superman” кино Израилийг илчилсэн тухай YouTube-д видео нийтэлж, киноны үйл явдлыг Израиль-Палестины мөргөлдөөний аналог гэж үзэхгүй бол хэн ч худлаа ярьж байна гэжээ.
Консерватив тайлбарлагч Бен Шапиро өөрийн YouTube видеондоо зөвхөн “зүүн жигүүрийн тархи” л “Superman” киног Израиль-Палестины мөргөлдөөний талаархи тайлбар гэж үзнэ гэж мэдэгдсэн. Шапиро киноны үйл явдал Газа дахь бодит дайнтай тохирохгүй бөгөөд улс төрийн зорилго агуулаагүй гэж хэлсэн. Энэ мэт маргаан дунд олон нийтлэлүүд “Шинэ ‘Superman’ кино Израилийн эсрэг үү?” гэх мэт асуултуудыг тавьж байна.
Эцэст нь хэлэхэд, Жеймс Ганн кино нээлтээ хийхээс өмнө энэ асуудлыг хөндөж, “Би энэ зохиолыг бичиж байх үед Ойрхи Дорнодын мөргөлдөөн болоогүй байсан. Тиймээс би үүнийг тэрхүү мөргөлдөөнөөс холдуулахыг хичээсэн. Энэ бол илүү хүчирхэг улсаас өөр нэг улс руу түрэмгийлсэн зохиомол үйл явдал” гэжээ. Гэвч Ганны энэ тайлбар ч маргааныг намжааж чадаагүй бөгөөд киноны орлого нэмэгдэхийн хэрээр маргаан үргэлжлэх төлөвтэй байна.
Эх сурвалж:
James Gunn Said ‘Superman’ Is Not About the Middle East; It’s Still Sparking Debates From Hasan Piker, Ben Shaprio and More Political Commentators Over an Israel-Palestine Connection
James Gunn’s ‘Superman’ has sparked an online debate about whether it reflects the war in Gaza, but the director says it’s not about the Middle East.
