Premier League-ийн Wolves довтолгоогоо бэхжүүлэхийн тулд Колумбын жигүүрийн тоглогч Жон Ариастай гэрээ байгуулахаар тохиролцоонд хүрчээ.
Мэдээллүүдийн дагуу Wolves болон Бразилын Fluminense клубууд 27 настай хөлбөмбөгчийг Английн дээд лигт авчрах тохиролцоонд хүрсэн бөгөөд гэрээний дүн нь ойролцоогоор 22 сая еврогийн (25.5 сая фунт стерлинг) үнэлгээтэй байна. Ингэснээр Wolves тоглогчийн спортын эрхийн 90 хувийг эзэмших бол Fluminense ирээдүйн худалданаас 10 хувийг хадгалах, мөн Ариас Бразил руу эргэн ирэхээр шийдвэл давуу эрхтэйгээр авах нөхцлийг багтаажээ.
Ариас 2021 оны наймдугаар сард Fluminense-д нэгдсэнээс хойш багийн гол тоглогчдын нэг болж чадсан. Тэрээр нийт 229 тоглолтод оролцож, 47 гоол оруулан, 55 гоолын дамжуулалт өгсөн амжилттай. Түүний оролцоо 2023 онд багтаа Copa Libertadores-ийн аварга цолыг авчрахад гол үүрэг гүйцэтгэсэн юм.
Мөн энэ зун Ариас Дэлхийн клубуудын цомд Fluminense-ийн бүх зургаан тоглолтод оролцож, нэг гоол, нэг гоолын дамжуулалт өгсөн.
Колумб жигүүрийн тоглогч энэ долдугаар сарын 17-нд Maracana цэнгэлдэх хүрээлэнд Cruzeiro-гийн эсрэг тоглох сүүлчийн тоглолтоороо Fluminense-ийн хөгжөөн дэмжигчдэдээ үдэлтийн мэндчилгээ дэвшүүлнэ гэж хүлээгдэж байна. Үүний дараа тэрээр Wolves-д нэгдэн, улирлын өмнөх бэлтгэл болон шинэ Premier League-ийн улиралд багтаа нэгдэх юм.
Wolves саяхан Матейус Куняг 60 сая фунт стерлингээр Манчестер Юнайтед руу шилжүүлсэн тул довтолгооны шинэ хүч нэмэх шаардлагатай болоод байсан. Ариасын ирэлт тэдэнд 2025-26 оны улиралд доод лиг рүү унахгүйн төлөөх тэмцэлдээ илүү гоолын аюул заналтай тоглолт үзүүлэх боломжийг олгоно.
Эх сурвалж:
