“Counter-Strike-ийн сүм” хэмээх алдрыг хүртсэн Кёльн хот IEM Cologne тэмцээнийг дахин хүлээн авахаар бэлэн болж, дэлхийн шилдэг багууд аваргын төлөө өрсөлдөхөөр цуглаж байна.
Германы Кёльн хот нь CS2-ийн фанатуудын сэтгэлд онцгой байр суурь эзэлдэг. 2014 оноос хойш энэхүү тэмцээн Valve-ийн Major-тэй дүйцэхүйц анхаарал татаж ирсэн бөгөөд зарим жилд бүр Major-оор тооцогдож байв. Esports-ийн түүхэн дэх хамгийн нэр хүндтэй цомын нэг гэгддэг энэ тэмцээнд HLTV-ийн чансаагаар эхний 16 байрт бичигдэж буй багууд болон нэмэлт найман баг аваргын төлөө тулах юм. Энэ удаагийн IEM Cologne тэмцээн 16 баг “play-in” шатнаас эхэлж, дараа нь хэд хэдэн шаталсан хэсгээр үргэлжилж, эцэст нь CS2-ийн шинэ хааныг тодруулах болно.
IEM Cologne 2025: Бүх оролцогч багууд
Доорх жагсаалтад орсон багууд IEM Cologne 2025 тэмцээнд оролцоно. Тод бичигдсэн багууд шууд урилга авч, шууд группийн шатнаас оролцох юм.
- Team Vitality
- MOUZ
- Team Spirit
- Team Falcons
- The MongolZ
- Aurora Gaming
- G2 Esports
- Natus Vincere
- GamerLegion
- FaZe Clan
- Astralis
- 3DMAX
- HEROIC
- Team Liquid
- Virtus.pro
- FURIA
- Complexity
- TYLOO
- MIBR
- B8
- Ninjas in Pyjamas
- BIG
- paiN Gaming
- FlyQuest
Колонийн урилгыг Valve-ийн бүсийн чансаанд үндэслэн олгодог бөгөөд эхний найман баг шууд группийн шатанд орно. Үлдсэн 16 баг “play-in” шатнаас тулаанаа эхэлнэ.
IEM Cologne тэмцээний формат
Тэмцээн гурван үе шаттай явагдана: play-in, group stage (группийн шат), дараа нь playoffs (шигшээ шат).
- Play-in шат нь 2025 оны 7-р сарын 23-наас эхэлнэ. 16 баг double-elimination буюу хожигдвол доош бууж, хоёр дахь боломж олдох системээр өрсөлдөнө. Эхний найман баг (дээд хэсгээс дөрөв, доод хэсгээс дөрөв) группийн шатанд шалгарна. Бүх тоглолт best-of-three (BO3) форматаар явагдана.
- Group stage буюу гол тэмцээн нь эдгээр шалгарсан найман баг болон шууд урилгаар ирсэн найман багийн хооронд эхэлнэ. Багууд Valve Regional Standings эсвэл play-in шатны амжилтаар посишн авна. Энэ шатанд A, B хоёр тусдаа групп үүсгэж, тус бүртээ өрсөлдөнө.
- Playoffs шатанд групп бүрийн эхний дөрвөн баг шалгарч, Lanxess Arena-д үзэгчтэйгээр зохиогдох шууд тоглолтуудаар өрсөлдөнө. Эндээс эхлэн тэмцээн single-elimination буюу нэг хожигдсон нь тэмцээнээ орхих дүрмээр үргэлжилнэ. Их финал BO5 буюу таван хожлын системээр 8-р сарын 3-нд явагдана.
Шагналын сан: 1 сая ам.доллар, түрүү багт 400,000 ам.доллар
IEM Cologne бол зөвхөн нэр хүндтэй биш, мөнгөн дүнгийн хувьд ч esports-ийн хамгийн өндөр шагналтай тэмцээний нэг.
Шагналын хуваарилалт:
- 🥇 1-р байр: $400,000
- 🥈 2-р байр: $180,000
- 🥉 3-4-р байр: тус бүр $80,000
- 5-6-р байр: тус бүр $40,000
- 7-8-р байр: тус бүр $24,000
- 9-12-р байр: тус бүр $16,000
- 13-16-р байр: тус бүр $10,000
- 17-20-р байр: тус бүр $4,500
- 21-24-р байр: тус бүр $2,500
IEM Cologne 2025-ийн түрүүлэх гол фаворитууд
Team Vitality бол энэ жилийн хамгийн итгэлтэй фаворит. 2025 онд болсон 8 том оффлайн тэмцээнээс долоод нь түрүүлж, үнэмлэхүй давамгай байж чадсан. Mathieu “ZywOo” Herbaut-ийн AWP болон Robin “ropz” Kool-ийн rifle тоглолт нь багийн “buy round”-уудыг бараг л баталгаатай болгож байгаа.
Гэсэн ч Vitality-ийн энэ давалгааг зогсоож мэдэх багууд бий. MOUZ болон The MongolZ нь Austin Major дээр тэднийг хожиж байсан туршлагатай бөгөөд хоёулаа энэ тэмцээнд шууд урилгаар орж байна. Team Falcons тогтворгүй ч Vitality-г IEM Melbourne болон BLAST Rivals Spring дээр тав дахь тоглолт хүртэл шахаж байсан. Team Spirit бол “dark horse” ба Danil “donk” Kryshkovets ямар ч байсан highlight тоглолтууд үзүүлнэ гэдэгт эргэлзэх зүйл алга.
Өрсөлдөгч багууд сүүлийн саруудад форм сайтай байсан ч Vitality энэ жилийн IEM Cologne-ийн түрүүг авах хамгийн өндөр магадлалтай хэвээр байна.
Эх сурвалж:
