Шинэ технологи: Atomic keyboard компаниас гаргасан mdr dasher keyboard
Таны макродата боловсруулалт илүү нарийвчлалтай байх шаардлагатай юу? Эсвэл таны одоогийн компьютерийн гар, хулгана хангалтгүй санагдаж байна уу? Тэгвэл танд нэгэн шинэ боломж байна. Apple компани Severance цувралын Lumon Terminal-ийн загварыг танилцуулж, олон хүнийг гайхшруулсан ч, үүнийг худалдаанд гаргаагүй. Харин Atomic Keyboard компани энэ терминалыг бодит болгож байна. Гэхдээ энэ нь Kickstarter санхүүжилтийн зорилгодоо хүрэхээс хамаарна.
Atomic компани Severance цувралын технологийг бодит болгоход анхаарч байгаа бололтой. Энэ оны эхээр тэд Lumon терминалын гарын загварыг бодит болгох төлөвлөгөөгөө блогтоо зарлаж, орчин үеийн хэрэгцээнд нийцсэн функцтэй гар бүтээхээ амласан. Одоо тэд энэ амлалтаа биелүүлэхээр Kickstarter кампанит ажлыг эхлүүлж, эцсийн бүтээгдэхүүнийг үйлдвэрлэхэд шаардлагатай хөрөнгийг цуглуулахыг зорьж байна.
Энэхүү гар нь Severance цувралын “macrodata refinement” буюу макродата боловсруулалттай холбоотойгоор “MDR Dasher Keyboard” гэж нэрлэгдсэн. Энэ нь цувралын машинуудаас санаа авсан Data General Dasher системийн загварыг санагдуулам. Гар нь хэд хэдэн хувилбартай байх бөгөөд “Innie” загвар нь Escape, Control, Option товчлууруудыг хассан, “Outie” загвар нь стандарт гар шиг харагдах, “Dasher” загвар нь Data General Dasher терминалын гарын анхны загварыг дуурайсан байна.
Бүх загварууд нь баруун талдаа trackball-тэй ирэх бөгөөд USB-C холболтоор Windows, Mac, Linux системүүдтэй нийцэх боломжтой. Харин зүүн гартай хүмүүст тохиромжгүй байж магадгүй. Энэхүү Severance цувралын бодит гарын үнэ 599$ орчим эхлэх бөгөөд эцсийн борлуулалтын үнэ 899$ орчим байх төлөвтэй байна. Энэ гар нь зөвхөн цуглуулгын зүйл биш, харин бодит функцтэй гэдгийг санах хэрэгтэй. Гэхдээ макродата боловсруулалт нь ховор салбар учраас тоног төхөөрөмж нь үнэтэй байх нь ойлгомжтой. Гэсэн хэдий ч энэ нь шинэ технологид сонирхолтой хүмүүст зориулсан өндөр үнэтэй зүйл юм.
Apple компани Lumon Terminal Pro загварыг Apple Store дээрээ байрлуулсан боловч худалдаанд гаргаагүй. Хэрэв хүмүүс зөвхөн гарын төлөө хэдэн зуун мянган төгрөг зарцуулбал энэ нь алдагдсан боломж байж болох юм. Гэхдээ бид Lumon Industries-ийн ретро-футуризмд татагдахгүй байх хэрэгтэй. Энэ нь Torment Nexus бүтээхээс хэдхэн алхамын зайд байгаа мэт санагдаж байна.
Эх сурвалж:
You Can Get Your Hands on a ‘Severance’ Terminal…for Real This Time
Kickstarter does what Apple wouldn’t.
