Попын супер од Тейлор Свифт YouTube дээр дахин нэгэн түүхэн амжилт тогтоолоо. Тэрээр Travis болон Jason Kelce нарын хөтөлдөг New Heights подкастад оролцож, тус платформын подкастын хамгийн олон үзэгчтэй шууд дамжуулалтыг хийсэн байна.
YouTube-ийн мэдээлснээр, 2023 онд подкастын туршлагаа өргөжүүлснээс хойш хамгийн өндөр үзэгчтэй дугаар нь болж, нэгэн зэрэг 1.3 сая хүн үзсэнээр шинэ дээд амжилт тогтоосон байна.
Jason Kelce өөрийн X хуудсандаа уг үзүүлэлтийг Свифтийн азын тоо болох 13-тай холбон:
“Энэ видео 1.3 сая үзэлттэй болсон нь тооны ид шидийн жишээ юм” хэмээн бичжээ. Подкастын үеэр тэд тоон хөгжмийн нууц тэмдэглэгээний талаар ч сонирхолтой яриа өрнүүлсэн байна.
I mean this video being 1.3 million views is the epitome of numerology
— Jason Kelce (@JasonKelce) August 14, 2025
Амжилт зөвхөн YouTube дээр зогссонгүй. Spotify-ийн мэдээлснээр, уг дугаар гарсан даруйдаа жилийн хамгийн өндөр үзэлттэй подкастуудын нэг болж, эмэгтэй үзэгчдийн тоог 600 хувиар өсгөсөн байна.
Свифтийн оролцсон дугаарыг олны анхаарал татсан нь ч гайхах зүйл биш. Тэрээр Kansas City Chiefs-ийн тоглогчтой үерхэж буйгаа, түүхэн Eras Tour-аа дуусгасан болон өөрийн бүтээлүүдийн эрхийг эргүүлэн авсан тухайгаа хуваалцжээ. Мөн удахгүй гарах шинэ цомог The Life of a Showgirl-ийнхаа талаар дэлгэрэнгүй ярьж, цомгийн хавтас, дууны жагсаалт, гаргах огноог танилцуулсан байна.
Шинэ цомгоо тэрээр “илүү хөгжилтэй, поп хэмнэлтэй” хэмээн тодорхойлж, Eras аялан тоглолтын үеийн хувийн амьдралынхаа тухай “хөшигний ард” харуулсан гэжээ. “Мелодиуд нь маш сэтгэл татам, бараг уур хүргэмээр” хэмээн Тейлор онцолсон байна.
📺 Тейлор Свифтийн дээд амжилт тогтоосон New Heights дугаарыг үзэж сонирхоорой.
Эх сурвалж:
