Домогт сагсан бөмбөгч Майкл Жордан зөвхөн талбай дээр төдийгүй бизнесийн ертөнцөд ч аварга болсон. Гэвч түүний олон тэрбумын эзэнт гүрэн байгуулахад ганцаараа бус, уран бүтээлч найруулагч Спайк Лигийн оролцоо чухал үүрэг гүйцэтгэсэн гэдгийг олон хүн мэддэггүй. Энэ нь Хип Хоп од АСАП Роккигийн хүртэл гайхшралыг төрүүлсэн байна.
1980-аад, 1990-ээд оны Nike-ийн сурталчилгаанууд MJ болон брэндийг нь урьд өмнө байгаагүй түвшинд хүргэсэн. 1988 онд Спайк Ли өөрийн “Марс Блэкмон” дүрээр Air Jordan III-ийн сурталчилгаанд тоглон, “Майкл Жорданыг хэн ч хамгаалж чадахгүй” гэсэн үгсийг домог болгосон. Харин дараагийн “Мөнгө, энэ бол гутал байх ёстой” уриатай сурталчилгаа нь Жорданыг Мухаммед Алигаас хойш үзэгдээгүй соёлын үзэгдэл болгон өргөсөн юм.
Үр дүнд нь Жордан брэндийн орлого 2022 онд 5.1 тэрбум ам.долларт хүрч, MJ-ийн 5 хувийн хувьцаа түүнийг олон тэрбумтны тоонд багтаав. АСАП Рокки энэ тухай сонсоод Спайк Ли-гийн оруулсан хувь нэмрийг хүндэтгэн, “Million Dollaz Worth of Game” подкастад оролцох үеэрээ онцолжээ.
Spike Lee: “I’ve had the honor of being called a motherf—er by Michael Jordan many times.” #DirectorsOnDirectors https://t.co/HFuR4oxjZG pic.twitter.com/pMF9phmKz9
— Variety (@Variety) December 14, 2023
Харлемд өссөн АСАП Роккигийн хувьд Жордан гутал өмсөх нь залуу насны мөрөөдөл байсан. Тэрээр GQ сэтгүүлд ярилцахдаа өсвөр насандаа зөвхөн Air Jordan I болон IV загваруудыг өмсдөг байсан гэдгээ дурдсан. Хэдийгээр тэр заримдаа Nike-ийн талаар шүүмжлэлтэй байр суурь илэрхийлдэг байсан ч одоо Puma-тай хамтран ажиллаж байгаа учир энэ нь түүнд төдийлөн нөлөөлөхгүй байгаа аж.
Эх сурвалж:
