Арсеналын довтлогч Кай Хавертц дахин гэмтэл авч, талбайгаас түр хугацаанд гарч байна
Арсеналын довтлогч Кай Хавертц өвдөгний гэмтлийн улмаас дахин талбайгаас хөндийрөхөөр болжээ. 26 настай Германы шигшээ багийн тоглогч лхагва гарагт “Эмирейтс” цэнгэлдэх хүрээлэнд болсон нээлттэй бэлтгэлд оролцоогүй бөгөөд түүний гэмтлийн байдлыг үнэлэх ажил үргэлжилж байна.
Гэмтлийн ноцтой байдал болон талбайд эргэн гарах хугацаа одоогоор тодорхойгүй байгаа ч Арсеналын удирдлагууд довтолгооны шугамаа бэхжүүлэхийн тулд шилжүүлгийн зах зээл дээрх боломжуудыг судалж эхэлжээ. Хавертцын бэртэл нь Виктор Гёкересийг Микел Артетагийн багийн цорын ганц байгалийн төвийн довтлогч болгож үлдээж байна.
Леандро Троссард саяхан клубтэйгээ шинэ гэрээг байгуулсан бөгөөд довтлогчийн байрлалд тоглох туршлагатай. Харин Габриэл Жезус нэгдүгээр сард авсан өвдөгний холбоосын (ACL) гэмтлээсээ бүрэн эдгэх шатандаа явж байна. Хавертц өнгөрсөн хоёрдугаар сард авсан гуяны булчингийн гэмтлийн улмаас Премьер лиг болон Аваргуудын лигийн 18 тоглолтыг өнжсөний дараа улирлын төгсгөлд сүүлийн хоёр тоглолтод багтаа эргэн нэгдсэн юм.
🚨⚠️ Kai Havertz has suffered knee injury and it will be assessed by Arsenal staff in the next hours.
— Fabrizio Romano (@FabrizioRomano) August 20, 2025
Arsenal consider new signing following Havertz’s new injury, as @David_Ornstein reports. pic.twitter.com/KrxHcGiJgH
Өнгөрсөн ням гарагт тэрээр Манчестер Юнайтедыг 1-0 харьцаагаар буулгаж авсан нээлтийн тоглолтод Гёкересийг орлож талбайд гарсан. 2023 онд Челсигээс Арсеналд ирснээс хойш Хавертц нийт 88 тоглолтод оролцож, 29 гоол оруулжээ.
Артетагийн баг энэ бямба гарагт Лийдс Юнайтедыг хүлээн авч Премьер лигийн хоёр дахь тоглолтоо хийхээр бэлтгэж байгаа ч гол довтлогчдынхоо нэггүйгээр тоглох өндөр магадлалтай байна.
Эх сурвалж:
