VALORANT-ын шинэ багц: Аваргуудын 2025 цуглуулга танилцлаа
VALORANT тоглоомын шүтэн бишрэгчдийн түрийвчийг шалгах цаг ирлээ. Riot Games компани “Аваргуудын 2025 цуглуулга” нэртэй шинэ багцыг албан ёсоор танилцууллаа. Энэхүү багц нь алтан Vandal, Butterfly Knife зэрэг нүд гялбам гоёл, өвөрмөц эффектийг агуулсан бөгөөд VALORANT-ын түүхэн дэх хамгийн амбицтай, хамгийн өвөрмөц цуглуулгын нэгээр тодорч байна.
Энэхүү багц нь зөвхөн гоёл чимэглэл бус, VALORANT Champions Tour (VCT) экосистемийг дэмжих зорилготой. Багцын борлуулалтын цэвэр орлогын 50 хувийг VCT багуудтай хуваалцахаар төлөвлөсөн нь цахим спортын тогтвортой хөгжилд үнэтэй хувь нэмэр оруулах юм.
Riot-ийн томоохон зорилго
Энэ багцын зарлал нь VALORANT Champions 2025 тэмцээний Парисын шалгаруулалт дууссаны дараа гарсан бөгөөд Riot-ийн мэдээлснээр, 2024 онд гарсан цахим спортын багцууд нийт 40 сая гаруй ам.долларын орлогыг VCT-ийн хамтрагч багуудад оруулсан байна. 2025 оны багцын агуулга, дизайныг харгалзан үзвэл энэ амжилтыг даван туулах бүрэн боломжтой.
Vandal зэвсгийн арьсны онцлогууд
- Champions Aura – Тоглоомын хамгийн өндөр оноотой тоглогч байх үед зэвсэг улаан ауртай болж, аллага бүрт алтлаг гэрлээр хувирна.
- Hot Streak – Аллага бүрийн дараа зэвсэг аажмаар алтлаг хэлбэрт шилжинэ.
- Custom Finisher – Тоглоомыг хожих мөчид 2025 оны сүлд дуу эгшиглэж, багийн агентуудын дүрс арын хэсэгт гарч ирдэг шинэ кино эффект.
- “Mark the World” Finisher – Аваргуудын 2025 Vandal болон холбоотой хамтрагчид газрын зураг дээр алтан VCT тэмдэг үлдээх боломжтой болно.
- Аллага тоологч, VCT Paris финалын цагийн тоолуур, тусгай аудио/график, VCT логотой амны гал, аллага баннер гээд олон нэмэлт гоёл багтсан.
Butterfly Knife арьс
Butterfly Knife арьс нь мөн Champions Aura болон Hot Streak эффектүүдийг агуулсан бөгөөд шинэ хөдөлгөөн, онцгой үзлэг, захиалгат дуу болон дүрслэлтэй өвөрмөц багц юм.
Бусад хэрэгслүүд
- Гоёл – Champions цомоос сэдэвлэсэн, сүлд дуугаар хожлын мөчийг илэрхийлнэ.
- Зэвсгийн найз (Gun buddy) – Хар, алтлаг өнгийн VCT загвар.
- Тоглогчийн карт – Аваргуудын 2025 дизайнтай, урлагийн бүтээл.
- Шүршүүр – Алтлаг VCT баярын шүршүүр бүх тоглолтод нэмнэ.
Гаргах огноо ба үнэ
- Нээлтийн өдөр: 2025 оны 9-р сарын 4.
- Үнэ: Riot албан ёсоор үнээ зарлаагүй ч, 6,100–6,200 VALORANT Point (VP) буюу ойролцоогоор $60 (~210,000₮) байх төлөвтэй байна.
Riot-ийн мэдэгдлээр, багц нь “Аваргуудын тэмцээний өмнөх хязгаарлагдмал хугацаанд” тоглоомын дэлгүүрт худалдаалагдана. Иймээс алтан, гялалзсан энэхүү ховор багцыг авахыг хүсвэл яараарай.
Эх сурвалж: TheLoadout: VALORANT Champions 2025 Collection
