Сабрина Карпентерийн “Tears” дуу шинэ төгсгөлтэй боллоо
Поп од Сабрина Карпентер өөрийн “Tears” дууны клипийн төгсгөлийг шинэчилж, үзэгчдэдээ гайхалтай сюрприз барьжээ. Энэхүү клип нь алдарт “The Rocky Horror Picture Show” киноноос сэдэвлэсэн бөгөөд үзэгчдийг айдас, сэтгэл хөдлөлөөр дүүрэн аялалд хөтөлдөг байна.
2023 оны 8-р сарын 29-нд Сабрина Карпентер долоо дахь студийн цомог болох “Man’s Best Friend”-ийг гаргаж, үүний нэг хэсэг болгон “Tears” дууны эх хувилбарыг танилцуулсан юм. Таван минут орчим үргэлжлэх клипт Сабрина авто ослоос амьд гарч, ганцаардаж буй дүрээр гарч ирдэг. Тэрээр нэгэн аймшигтай, тусгаарлагдсан байшинд орж, тэндээс хачирхалтай, тачаангуй ертөнцийг нээдэг. Клипийн төгсгөлд тэр амьд гэж бодсон хамтрагчаа өөрийн гараар хөнөөдөг.
Харин 9-р сарын 1-нд Сабрина Instagram хуудсаараа дамжуулан “Tears” дууны шинэ төгсгөлийг үзэгчдэд толилуулсан бөгөөд YouTube холбоосыг нийтэлжээ. Шинэ хувилбарт Сабрина байшингаас гарч ойгоос гарч ирсэн нэгэн эрийг хардаг. Гэвч гэнэт цахилгаан бууж, мод түүний дээрээс унаж, дахин аймшигтай хувь тавилантай учирдаг.
Энэхүү клипт Оскарын шагналд нэр дэвшсэн жүжигчин Колман Доминго ч оролцсон бөгөөд уг бүтээл нь “Short n’ Sweet” цомгийн дараа гарсан “Man’s Best Friend” цомогт багтаж байгаа юм. “Short n’ Sweet” нь 2024 онд гарсан даруйдаа Billboard 200 жагсаалтыг дөрвөн долоо хоногийн турш тэргүүлсэн билээ.
