Лука Дончичийн гайхалтай тоглолт Словени улсыг шөвгийн наймд хүргэлээ
Евробаскет 2025 тэмцээний шөвгийн 16-д Словени Италийг 84-77-ийн харьцаатайгаар хожиж, шөвгийн наймд шалгарлаа. Лука Дончич энэ тоглолтод 42 оноо, 10 самбараас бөмбөг авч, багийнхаа ялалтад гол үүрэг гүйцэтгэсэн байна. Тэрээр эхний хагасд 30 оноо авсан нь дөрөв дэх удаагаа 30-аас дээш оноо авсан тохиолдол болж байна.
7️⃣achievements unlocked for Luka Doncic!https://t.co/z7kTH8IXX0
— FIBA EuroBasket (@EuroBasket) September 7, 2025
Шөвгийн наймд Словени нь Герман улсын багтай тоглоно. Дончичийн тоглолтын чанар, лидер зан, сэтгэлзүйн бэлэн байдал багийнх нь амжилтад тодорхой нөлөө үзүүлж байгаа нь энэ ялалтаар дахин батлагдлаа.
Luka Magic ERUPTS for 42 PTS & 10 REB to lead Slovenia past Italy and advance to the #EuroBasket Quarter-Finals! pic.twitter.com/xkdq4Bjrfp
— FIBA EuroBasket (@EuroBasket) September 7, 2025
Өөр нэгэн сонирхолтой тоглолт бол Гүрж Францыг 80-70-ийн харьцаатай хожиж, шөвгийн наймд шалгарсан тохиолдол юм. Торнике Шенгелиа 24 оноо авч багаа тэргүүлсэн бол Францын баг гурван онооны шидэлтээс ердөө 6-г амжилттай болгож, довтолгоонд хүндрэлтэй байлаа.
Мөн Польш Босни Херцеговинаг 80-72-оор хожин, дараагийн шатанд Турктай тоглохоор болов. Энэ тоглолтод Польшийн тоглогчид хамгаалалт болон багийн зохион байгуулалтаараа давамгайлсан.
Харин Бямба гарагт Финланд улсын баг Никола Йокичийн тэргүүлсэн Сербийг хожиж, шөвгийн наймд Гүржтэй тоглохоор болсон. Сэтгэлзүйгээр илүүрхсэн Финландын багийн энэ ялалт нь тэмцээний хамгийн том гэнэтийн бэлэг болж байна.
Эх сурвалж: RealGM – Luka Doncic Scores 42 Points
