Андре Онана Манчестер Юнайтедээс Трабзонспор руу зээлээр шилжинэ
Манчестер Юнайтедын хаалгач Андре Онана Английн клубээ орхиж, Түркийн Трабзонспор клубт зээлээр тоглохоор болсон тухай мэдээлэл батлагдлаа.
29 настай Камеруны шигшээ багийн хаалгач Онана энэ улиралд Премьер лигийн нэг ч тоглолтод оролцоогүй бөгөөд зөвхөн Лигийн цомын хүрээнд Лигийн хоёрдугаар дивизионы Гримсбид хожигдсон тоглолтод ганц удаа гараалсан байна.
🚨🔐 Understand Manchester United and Trabzonspor have just counter signed all documents for Onana deal!
— Fabrizio Romano (@FabrizioRomano) September 8, 2025
It’s all sealed and completed, story confirmed: Onana joins Trabzonspor on loan from Man United. 🇹🇷 pic.twitter.com/yEg81W5H7p
Онана 2023 оны зун Интер Миланаас 47 сая фунт стерлингийн үнээр Манчестер Юнайтедын бүрэлдэхүүнд орсон ч тоглолтондоо тогтмол амжилт гаргаж чадаагүй юм. Тэрээр нийт 102 тоглолтод оролцож, 2024 онд Английн цомд түрүүлсэн багийн бүрэлдэхүүнд багтаж байв.
Манчестер Юнайтедын одоогийн хаалгач Алтай Байындир энэ улиралд гурван тоглолтод гараанд нэрлэгдсэн бол тус клуб шилжүүлгийн сүүлийн өдөр Бельгийн ирээдүйтэй хаалгач Сенне Ламменсыг элсүүлээд байна.
Онанагийн хувьд Трабзонспорын бүрэлдэхүүнд энэ сарын 14-ний ням гарагт болох Фенербахчегийн эсрэг тоглолтод дебют хийхээр төлөвлөж байна.
Түркийн шилжүүлгийн цонх баасан гараг хүртэл нээлттэй үргэлжлэх бөгөөд Трабзонспор өнгөрсөн улиралд дотоодын лигт долдугаар байрт бичигдэж, одоо Туркийн шигшээ багийн домогт тоглогч Фатих Текке дасгалжуулагчаар ажиллаж байна.
Эх сурвалж: 101 Great Goals – Onana set to leave Man Utd for Trabzonspor
